مدير أعمال شيرين السابق: لم أتواصل مع المطربة منذ خروجها من المستشفى
أكد ميمي فؤاد مدير أعمال شيرين السابق أنه لم يتواصل معها بعد خروجها من المستشفي منذ أسبوع.
و أضاف في تصريح خاص لـ"فيتو:" الموقف معروف وإحنا معرفناش نتواصل بعد ما طلعت من المستشفي فحسيت أنها محتاجة تراجع نفسها و تعمل وقفة هي عايز أيه ومش عايزة أيه، وأنا أصغر بكتير من أني أقول كلمة سبتها وهي لو أحتاجتني في أي وقت أنا مش هتأخر سواء في المستوي العملي أو الإنساني.
وكشف ميمي فؤاد، مدير أعمال النجمة شيرين عبد الوهاب في وقت سابق، تفاصيل ترك مهام عمله معها بسبب التدخل الكبير من قِبل طليقها حسام حبيب.
وقال ميمي فؤاد في تصريح سابق لـ"فيتو": إنه ترك مهام عمله بالفعل مع شيرين عبد الوهاب لكن ليس بسبب تدخل طليقها حسام حبيب كما تردد، مضيفًا: "أنا الحمد لله علاقتي بالناس كلها كويسة، ومتواصلتش مع حسام حبيب من زمان جدًّا ومشوفتوش.
وتابع ميمي فؤاد: وكل الفكرة أني برفع عن شيرين "الحرج" في الوقت دا لأنها تحتاج إلى ترتيب أورقها خاصة في هذا الوقت بدون أي ارتباطات أو ضغوط من أي حد، وهي أختي وبحبها زي كل جمهورها بيحبها ولو احتاجت مني أي حاجة في أي وقت عمري ما هتأخر.
