مجاهدة النفس.. نصائح تامر حسني لأصحاب الظروف السيئة
![تامر حسني](images/no.jpg)
قدم الفنان تامر حسني نصائح لجمهوره ومتابعيه، ووجه رسالة لمن يشعر بظروف سيئة في حياته، مؤكدًا أنه يشعر تجاه جمهوره ومحبيه بأنهم عائلته، وطالب جمهوره ومتابعيه بـ "مجاهدة النفس".
نصائح تامر حسني
ونصح تامر حسني جمهوره ومتابعيه بالصبر على أنفسهم والمحاولات المتكررة لإصلاح النفس، مشيرًا إلى أن العودة في قرار تم اتخاذه ليس فشلًا، وطالب باستمرار اتخاذ القرار مرات أخري حتى في حالة الفشل في الإصلاح ١٠٠ مرة.
وكتب تامر حسنى تدوينة على الفيس بوك: "يوم جميل على الجميع كالعادة مش بعتبركم محبين فقط لا أنا دايمًا بشوفكم ناس من أهلي حتى لو بعضكم معندوش الإحساس دا تجاهي أنا بقى عندي تجاهكم كلكم الاحساس دا، ودا احساس ربنا زرعه فيا معرفش ليه ومعرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فورًا ……..".
مجاهدة النفس
وقال "كنت بقرأ موضوع مهم اوي بما إني مجنون قراءة وسماع حبيت اكلمكم عنه وهو (مجاهدة النفس).. واثق إننا كلنا بنمر بظروف ومؤثرات وأفكار بتغير حاجات جوانا في ناس بتغيرها للأفضل وفي ناس للأسوأ وكلامي لكل شخص حاسس من جواه إنه متضايق وعنده خطأ في فكره أو عقيدته وقناعته أو عادة سيئة ومعصية ثابتة مش عارف يتخلص منها او صفة في شخصيته مش كويسة وفاقد الأمل في تصليحها".
![](/Upload/libfiles/427/7/537.jpg)
نصائح لأصحاب الظروف السيئة
وأضاف: عشان يصلحها ويتغير لازم اول حاجة يعترف بيها قدام نفسه وميقاوحش ويبرر وجودها لازم يشوفها يبقى:
١- تعترف بيها قدام نفسه.
٢- تاخد قرار حاسم في بدء الإمتناع عنها.
٣- تدرس المقابل لها في الصالح وتسعى في اتجاهه.
٤- اختار اصحاب صفاتهم بعيده عن هذه العيوب والعادات المشابه
٥- اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي، كمل في اصرارك على التغيير والتطوير وخد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك وكسبت التحدي.. نهاركم عسل زيكم