تعليق قوي من عمرو أديب على تحول الزي المدرسي للطالبات إلى إسدال
علق الإعلامي عمرو أديب، على تحول الزي المدرسي للطالبات في مدرسة نشا الإعدادية بمركز نبروه محافظة الدقهلية زي الـ"إسدال"، قائلًا: "إيه يا جماعة ده؟ إيه السواد ده؟"
ظلام العقول
وتابع خلال برنامج “الحكاية” المذاع على قناة “mbc مصر”: "إزاي في 2022 الأهالي يقرروا إن بناتهم يلبسوا إسدال؟ يا جماعة خلوا الناس عقلها يتنفس.. هل دي مصر؟ هل دي مدرسة مصرية؟ هل دي مدرسة تابعة للتربية والتعليم؟ مش بقول إن الحجاب بيضلم العقل، ولكن اللي احنا شايفينه ده غريب".
ثقافة غريبة
وأكمل: "دا مين ودا شبه إيه وجايبينه منين والثقافة دي وراها إيه؟ أنا عارف ان 70% من طالبات مصر محجبات واحنا عارفين ده، إنما ايه السواد ده، هي عينها شايفة إيه؟ نفسي بس حد يجيبلي درس في المدرسة شكله عامل إزاي وأنا متوقع اللي فيها، المدرسة دي بتاعت مين؟ ما عنديش مشكلة مع الحجاب واللي عايزة تتحجب الحجاب فرض وبحترم المرأة المحجبة وغير المحجبة، إنما إيه اللي لابسينه الطالبات ده؟ فين النور والحضارة والثقافة".
وكشف ناصر شعبان، وكيل وزارة التربية والتعليم في محافظة الدقهلية، حقيقة تداول العديد من الصور لطالبات مدرسة نشا الإعدادية بمركز نبروه، واللاتي يظهرن فيها مرتديات زيًّا لا يتوافق مع كود الزي المعلن من قبل الوزارة.
وقال وكيل تعليم الدقهلية إنه تم التحقيق في الواقعة فور تداولها، وأن المدرسة ومجلس الأبناء اتفقوا على هذا الزي منذ سنوات والإدارة الحالية استمرت عليه وأنهم برروا الأمر للحفاظ على الفتيات.
وأوضح وكيل تعليم الدقهلية أن التحقيق كشف عن أنهم برروا ذلك بأن المدرسة في منطقة نائية حينها.
