بعد تصريح "رمضان دا بتاع الفقراء".. ميار الببلاوي: مستعدة أبوس رجل نجلاء فتحي

تصدرت الفنانة والإعلامية ميار الببلاوي خلال الساعات القلية الماضية مؤشر البحث جوجل ومواقع التواصل الاجتماعي بعد تصريحاتها التلفزيونية عن رفضها تصوير أحد المشاهد الجريئة في فيلم “ديسكو ديسكو” في نهار شهر رمضان، مع عمرو عبد الجليل بالإضافة إلي تصريحاتها عن الفنانة نجلاء فتحي.

وقالت “ميار” في تصريح خاص لـ"فيتو":" أنا مش عايز أبقي ترند ولا حاجة وعمري في حياتي ما أقدر أتكلم علي إستاذتي نجلاء فتحي اللي علمتني. دي فنانة كبيرة أنا جنبها ولا حاجة ومستعدة أروح لحد عندها أبوس رجليها  لو حد وصلها حاجة زعلتها مني".

نجلاء فتحي 

وأضافت “ميار” قائلة:"أستاذة نجلاء فتحي لما قالتلي “ رمضان ده معمول عشان الناس الفقراء والناس الأغنياء بيعملوا نفسهم مابيكلوش قدام الفقراء.أنا كنت صغيرة فهي كانت بتحايلني  عشان نخلص التصوير عشان كنت صغيرة وقتها ومكنش قصدها حاجة خالص دي فنانة كبيرة وأستاذتي وأنا مش عاوزة أطلع ترند  مش عارفة ليه الناس مش سيباني في حالي أنا أهم حاجة عندي في الدنيا منظري قدام أبني وزوجي".

وكانت الفنانة ميار الببلاوي حلت ضيفة في أحد البرامج التليفزيونية وتحدثت عن المشاهد الجريئة  في فيلم “ديسكو ديسكو” وقالت أنها بذلت كل ما في وسها لعدم تصوير المشاهد الجريئة في فيلم “ديسكو ديسكو” في نهار شهر رمضان مضيفة: “قعدت أعيط، وكنت صغيرة وقتها حوالي 17 سنة، نجلاء فتحي قالتلي بصي يا حبيبتي رمضان ده معمول عشان الناس الفقراء، والناس الأغنياء بيعملوا نفسهم مبيكلوش عشان قدام الناس الفقراء يعني”.