منال عبد اللطيف: طليقة جوزي كانت قاعدة عندي لما تعبت وربيت بنتها بعد وفاتها | فيديو
قالت الفنانة منال عبد اللطيف: "طليقة زوجي كانت قاعدة عندي لما تعبت لإن قبل ما يبقى فيه مسميات لازم يكون عندنا إنسانيات، وكنت بقدملها كل الرعاية حتي وفاتها".
انسانية منال عبد اللطيف
وتابعت خلال لقائها ببرنامج "كلام الناس" المذاع علي قناة "إم بي سي مصر": "مريم بنت زوجي من زوجته المتوفية لما مامتها توفيت مخلتهاش تحس انها غريبة وسطينا وعاملتها زي بناتي بالظبط، وانا اللي ربيتها بعدة وفاة والدتها".
ابنة زوج منال عبد اللطيف
وأكملت: "مريم بنت جوزي قلت لها انتى بنوتي وهيبقى زيك زي فرح بنتى اعرف رايحة فين وجاية منين واعرف كل حاجة عنك".
الواجبات المنزلية
ولفتت: "أنا مع إن الست تقوم بكل واجباتها بكل الحب بما فيها الطبخ، وبالحب بتبقى كل حاجة بتمشي كويسة".
وكشفت الفنانة منال عبد اللطيف، في نفس اللقاء، حقيقة ارتدائها الحجاب بسبب تساقط شعر رأسها، ضاحكة: "بالفعل أشيع عني ذلك وعشت قصة مأساوية وسيدة فضلت تكلمني على ماسنجر وتقول لي اتصلي بيَّ فيديو كول يا قرعة وعرفت إنك كنت بتعملي صبغة وشعرك وقع فبقيتي قرعة فاتحجبتي، فضحكت وقلت لها لأ والله شعري زي ما هو".
مكالمة مستفزة بشأن الحجاب
وتابعت: "نفس السيدة اللي كلمتني وقالت لي يا قرعة، كل شوية تبعت لي تستفزني وتقولي افتحي الكاميرا علشان أشوف شعرك، وده كان بيضايقني جدًّا، وبعدين بناتي قالوا لي هتشوفي من ده كتير طالما عملتِ حاجة مع ربنا خليكِ محجبة".
رؤية الحجاب
وأوضحت: "قرار الحجاب ما كانش مفاجئ وقعدت سنتين محتارة ومترددة في إن اخد القرار لحد لما جاتلي رؤية في المنام فيما معناها تزودوا فإن خير الزاد التقوى، وقلت توكلت على الله وأخبرت زوجي بقرار الحجاب وفي الأول ما كانش مصدقني لأني شخصية مزاجية شوية ولكني أكدت له إني اتحجبت وأبلغته إنه يشتري لي ملابس جديدة مناسبة للحجاب وهذا ما حدث".
التحايل على قرار ارتداء الحجاب
وتابعت: "لو عايزة أقلع الحجاب هقلعه بس مش هتحايل على قراري مع ربنا وأمثل وأنا لابسة باروكة".
رفض التمثيل حفاظا على الحجاب
ولفتت: "اتعرض عليَّ أمثل وأنا لابسة باروكة أو يبقى فيه إكستنشن ولكني رفضت لإن ده تحايل على ارتداء الحجاب، ولو عايزة أقلعه هقلعه وأنا محدش أجبرني عليه ولو عايزة أكمل تمثيل كنت هكمل تمثيل".
