صفوة: زوجي الثاني كان صورة راجل ولما أهلي عرفوا مصيبتي قالوا لي فكري في فلوسه | فيديو

قالت الفنانة والراقصة صفوة: "ماختارتش طريق الرقص، وأنا بعد طلاقي من زوجي الأول بـ3 أشهر كنت شغالة في شركة كبيرة، وكان فيه عميل قادم من الكويت عرف أني اتطلقت فطلب الزواج مني، وعمل لي أكتر من اللي أحلم بيه وفرح أسطوري وشبكة كبيرة، ووقتها مكنتش دخلت الفن".
 

أزمة الراقصة صفوة

وأضافت خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "في شهر العسل سافرنا وروحنا ملهى ليلي وعجبني بدلة الراقصة فأخدتها وتاني يوم روحت نفس المكان وطلعت رقصت معاها، وزوجي الثاني مكنش عنده مشكلة في إني أرقص، لكن كان عنده مشكلة في إنه يتمم واجباته الزوجية وأنا وقتها اتحملت فوق طاقتي".

مشكلة الزوج الثاني

وأضافت: "مش عايز أجرح في حق زوجي الثاني بس بجد اتحملت فوق طاقتي، ومحستش معاه إني ست، وهو كان كبير عني في السن بفارق كبير، وكان صورة راجل وكنت بضربه من الغيظ لأني كنت بقوله حاجات ومنتظرة منه رد فعل قوية أو زعيق أو يضربني بالقلم فكنت بلاقيه مبيردش مهما أقول حتى لو تطاولت عليه، وفي الفترة دي كان عندي 21 سنة وكنت بستغرب لما أضربه أنه مبيعملش أي رد فعل".
 

أزمة ليلة الزفاف وقرار الطلاق

وتابعت: "كرهت اليوم اللي كنت فيه أنثى لما اتجوزت زوجي الثاني لأنه كان صورة راجل، وبعد ليلة الدخلة فضلت لابسة هدومي لحد لما أهلي زاروني تاني يوم الصبح وقلت لهم مشكلته، وقتها أمي قالت لي مينفعش تتطلقي وكلامك ده مينفعش يتقال وده قلة أدب وفكَّري في فلوسه، بس أنا فلوسه معالجتش ليا النقص اللي عنده، ومن وراء أهلي اتنازلت عن الذهب والعفش والشقة وكل حاجة، وزواجنا لم يستمر أكثر من 9 شهور، والفترة دي كانت بالنسبة لي 90 سنة".