لو أمك غضبانة عليك يبقى مفيش بركة.. عمر كمال يفتح النار على مهاجميه بسبب والدته
خرج المطرب عمر كمال عن صمته، للرد على الكثير من المنشورات التي تداولها الجمهور عن فكرة غضب والدته عليه.
وفي هذا السياق، نفى عمر ما تداوله الجمهور، ونشر صورة برفقة والدته عبر حسابه على “فيس بوك”، معلقًا بقوله: “أي خطوة في حياتي مينفعش تتم بعيد عن ٢ طبعًا ربنا قبل أي حاجة ثم أمي حبيبتي، لأن مهما عملت خطة لحياتك بعيد عن ربنا ومفيش توفيق يبقى الموضع هيبوظ، ولو أمك غضبانة عليك يبقى مفيش بركة ولا فرحة ولا روح في حياتك”.
وتابع: “أنا ما أقدرش أعيش من غير أمي ورضاها.. معرفش ليه مواقع كتير كاتبة كلام للأسف مفيش أي حرف منه صحيح عني وعن حياتي الشخصية وعن امى وأنها قد أيه غضبانة عليَّ وكلام كتير بيأذيني ويأذيها ”
وأختتم: “ياريت الناس تراعى ربنا فى أخبارها وكلامها.. أنا مليش غير أمى وأخواتى وزعل أمى بيزعلنى جدا فا بعد أذنكم يا جماعة ياريت بلاش حوارات كدابة واخبار غلط وان شاء الله قريب هطلع مع أمى في بث مباشر تسلم عليكم ونتكلم معاكم يا ناس يا محترمة”.
تريند عمر كمال
على الجانب الآخر، كان قال المطرب عمر كمال: "أنا فيه حاجات لو رجع بيَّ الزمن تاني هغيرها وأخذت عهد على نفسي بكل أمانة إني مش هظهر تاني من راقصات وده وعد مع ربنا في آخر عمرة ليَّ".
وأضاف خلال لقائه ببرنامج "برلمان شعب": "أنا بعرف كويس جدًّا أعمل تريند وعندي منصاتي وقنواتي اللي تساعدني بس أنا عمري ما افتعلت مشكلة".
