منة عرفة: أنا الحمد لله كويسة بعد الانفصال ومش بدور على عرسان | فيديو
قالت الفنانة الشابة منة عرفة: "أنا الحمد لله كويسة بعد الانفصال، وعندي فرص كتير جيدة الفترة اللي جاية".
الحالة الاجتماعية لمنة عرفة
وأضافت خلال لقائها ببرنامج "أنا سعيد" المذاع على قناة "القاهرة والناس": "أنا سينجل بس مش بدور على عرسان".
تغيير منة عرفة
وتابعت: "لو عملت تغيير في نفسي أو صبغت شعري وشريك حياتي مخدش باله أكيد هتخانق معاه، يعني الواحد بيكلف نفسه وبيروح الكوافير وفي الآخر بدون فائدة".
"الخيانة السبب"
وكشفت الممثلة منة عرفة في وقت سابق، عن السبب الحقيقي وراء انفصالها عن زوجها السابق محمود المهدي، الصادر بحقه حكم بالسجن لمدة سنة وتغريمه 10 آلاف جنيه، بتهمة سب وقذف نقيب المهن التمثيلية د. أشرف زكي وزوجته الفنانة روجينا.
وقالت منة خلال لقائها في برنامج "The blind date show 2"، بعد توجيه سؤال لها عن علاقاتها السابقة: "بما إنك دخلتي في علاقتين أو تلاتة في حاجة خليتكم ما تكملوش؟".
لترد منه: "ليه هو أنا هسيبه علشاني، ما أنا هسيبه علشانه هو، زي مثلا الخيانة".
وكانت منة قالت، خلال تصريحات سابقة في برنامج «نص الكلام»، تقديم الإعلامية راغدة شلهوب: إنها لو تحدثت عن الأسباب الحقيقية وراء طلاقها من زوجها السابق محمود المهدي فإن هناك أسبابا كثيرة، مشيرة إلى أن هناك بعض الأشخاص - لم تسمِّهم - تسببوا في إصابتها بالاكتئاب مؤخرًا.
وأضافت: «كانوا بيبعتولي يقولولي إزاي متقفيش جنب جوزك؟، إزاي ملتزمة الصمت؟، المفروض تطلعي تدافعي عنه، ده إتقال عليه كذا وكذا!».
وتساءلت منة عرفة: «مين قال إني مدافعتش أو متكلمتش؟، مين قال إني مقعدتش وحاولت أحل المشكلة؟، أنا بعمل خير في رمضان بس مش بطلع أقول، ونفس الأمر لما بحاول أصلح مشاكل بيتي مش هطلع أقول أنا عملت وعملت، وإني ست أصيلة وكده، لأن الست الأصيلة المحترمة اللي عايزة تحافظ على بيتها بتعمل ده بدون ما تقول أنا عملت وسويت، والله السنة دي كانت كلها محاولات مني ومنه، بتحاولي تزقي».
"طلاق على الإنستجرام"
وأعلنت الفنانة منة عرفة، انفصالها عن زوجها محمود المهدي للمرة الثالثة، وكتبت عبر حسابها بموقع "إنستجرام"، يوليو الماضي: "تم الطلاق رسميًّا وربنا يوفق الجميع".
وبسؤال منة في أحد البرامج عمن اتخذ قرار الانفصال قالت منة عرفة: «إحنا الاثنين فجأة لقينا الموضوع بينا مبقاش حب ورومانسية زي الأول، وبقت الناس عارفة كل حاجة بيننا، ومنهم ناس مش عارفة حاجة ويدخلوا يكتبولي على فكرة إنتي ست مش جدعة، أنتم تعرفوا إيه علشان تتكلموا؟، يا ترى إنتوا تعرفوا كمية الحزن والزعل وكسرة القلب اللي عشتها ومضادات الاكتئاب اللي أخدتها، والتفكير في إنهاء حياتي؟».
