سعر الدولار في البنك المركزي اليوم الأربعاء 26-10-2022 ببداية التعاملات
استقر سعر الدولار الأمريكي أمام الجنيه المصري في البنك المركزي المصري، اليوم الأربعاء 26-10-2022 في بداية التعاملات.
سعر الدولار في البنك المركزي
وبلغ سعر الدولار في البنك المركزي المصري نحو 19.64 جنيه للشراء، و19.74 جنيه للبيع.
سعر الفائدة
قال حسن عبد الله محافظ البنك المركزي: "نواجه مشكلات كتير متعلقة برفع سعر الفائدة في الفيدرالي الأمريكي الي جانب خروج الأموال الساخنة، ونعمل علي وجود فائض في المعروض النقدي".
استجابة البنك المركزي
وأضاف خلال جلسة السياسات النقدية في ظل التطورات العالمية بالمؤتمر الاقتصادي مصر 2022: "احنا في البنك المركزي سمعنا النهاردة وهنسمع دايما وهيبقى فيه استجابة ولكن بعد الدراسة المطلوبة".
عقود التحوط للعملة
ولفت: "حاليا احنا شغالين علي عقود التحوط للعملة وانتهينا من العقود المستقبلية، وأمريكا مش الشريك التجاري الأساسي بتاعي ومش عارف ليه دماغ الناس مربوطة بالدولار لذلك بغض النظر عن مستوى الدولار هنبتدي نعمل مؤشر الجنيه المصري هياخد بعض العملات والذهب وغيره بحيث يكون جزء من نجاحنا كلنا كمجموعة تغيير الثقافة والفكرة اننا مربوطين بالدولار، ولكنا احنا عايزين نبقى مرتبطين بكل العملات".
قوة العملة أمام الليرة والاسترليني
وأشار: "عملتنا زادت علي الليرة التركية 100% وزادت علي الجنيه الإسترليني، وزادت علي اليورو، بس الناس مبتشوفش ده كله، واحنا مش دولة مصدرة للبترول علشان يبقى عندنا سعر مرتبط بالدولار".
