حسام حبيب يكشف كواليس ليلة نقل شيرين عبد الوهاب للمستشفى: اتفتح عليها مطواة واتسحلت بالبيجامة
كشف الفنان حسام حبيب كواليس ليلة نقل الفنانة شيرين عبد الوهاب إلى أحد المستشفيات المتخصصة في علاج حالات الإدمان.
وقال حبيب في مداخل هاتفية مع الإعلامي عمرو أديب عبر برنامجه الحكاية: "الليلة اللي خدوا فيها شيرين عبد الوهاب كانوا فاتحين مطواة، وشدوها من شعرها واتسحلت على الأرض واترمت في عربية، كان فيه مطواة مفتوحة عليَّ وسحلوها وشدوها من شعرها وهي لابسة بيجامة، وقعدت تصوت وتصرخ وتقولي الحقني يا حسام".
وأضاف: "حاولت أتفاهم معاهم مفيش فايدة، قلت له هي في وعيها وطلعت مع إسعاد يونس بشكل كويس، وفي حفلة الرئيس ظهرت بشكل كويس، وأخوها فضل يشتمها وقالت له أنا شيرين عبد الوهاب أنا أختك اللي عالجتك لسنين طويلة ووقفت معاك تعمل فيَّ كده، وحاولت آخدها منهم اتضربت واتكتفت ودراعاتي كلها مشروخة وما رضيتش أعمل محضر علشان قالوا لي أنت كدا هتأذيها، ولما أخوها جه ياخدها كان معاه واحد صاحبه وشيرين كانت عرفاه واسمه بكر، والواقعة وصلت لمدة ساعة، وأخدوا التليفونات من البنت إلى شغالة مع شيرين، وكنا قاعدين بنجهز لشغل وفيه شاعر ومنتج كانوا جايين لينا".
سحل شيرين عبد الوهاب
وتابع خلال مداخلة هاتفية ببرنامج “الحكاية” بقناة “إم بي سي مصر”:"شدوها مني وأخدوها ومشيوا، سببوا لي عقدة بسبب مشهد فتح مطواة عليها وضربها وسحلها، والشقة اللي أخدتها في التجمع كانت إيجار علشان تبقى قريبة في الشغل".
منومات حسام حبيب
ولفتت: "لما أخدوا شيرين بقيت بجري في الشارع، وأخوها بعد لما أخدها رمى لي التليفون في الشارع، وما رضيتش وقتها أبلغ الشرطة علشان ما أعملش عليها شوشرة، وبعد لما نزلت مروحتش المستشفى بتاعت شيرين عبد الوهاب وقعدت 4 أيام ما بصيحهاش لأني كنت مفزوع من ضربي وبهدلتي، لحد لما جالي تليفون من سارة الطباخ وكانت مفكرة إن شيرين جايلها رباط صليبي فقلت لها لأ شيرين مش كويسة وحكيت لها القصة".
وأشار: "محامي شيرين عبد الوهاب كلمني وقال لي أشهد عن كواليس الواقعة وأنا ما روحتش لها المستشفى ولا وقفت تحت وشاورت لها".
