أبرز 6 نجوم ساندوا شيرين عبد الوهاب في محنتها

لا تزال أزمة الفنانة شيرين عبد الوهاب تتصدر محرك البحث جوجل ومواقع التواصل الاجتماعي وأصبحت حديث الجمهور، خاصة بعد حديث والدتها وشقيقها مساء أمس الأحد، عن معاناتها مع الإدمان، وأنه تم حجزها في مصحة للعلاج منه.

وحرص عدد كبير من الوسط الفني علي دعم ومساندة شيرين عبد الوهاب بعد حجزها في مصحة لعلاجها من الإدمان بحسب تصريحات والدتها وشقيقها.

حلا شيحة

وجهت الفنانة حلا شيحة رسالة مؤثرة لشيرين عبد الوهاب وذلك من خلال خاصية “الإستوري” عبر حسابها الشخصي علي موقع تبادل الصور والفيديوهات “إنستجرام”.

وقالت “حلا”: “يارب  ترجعي لأهلك وحبايبك وربنا يبعد عنك أصحاب السوء وأي حد اتمنالك الشر أو أراد ليكي أي شر ربنا ينتقم منه بدعيلك من قلبي تبقي فلة”. 

وأضافت حلا شيحة قائلة: "وترجعي أحسن من الأول كلنا بنتعب وبنمر بحاجات صعبة في حياتنا بس الإيمان بالله وقوة الإرادة وحب الناس اللي واقفين في ظهرنا بصدق بنرجع أحسن من الأول".

واختتمت قائلة: "إن شاء الله حتقومي بالسلامة وترجعي أحسن من الأول وكل ده حيعدي كلنا بندعيلك وبنحبك يا طيبة يا فلة".

نشوى مصطفى 

كما حرصت الفنانة نشوي مصطفي علي مساندة النجمة شيرين عبد الوهاب وذلك من خلال حسابها الشخصي علي موقع التواصل الاجتماعي “فيس بوك”.

وقالت “نشوي”: “ياعينى عليكى يا شيرين  ياعينى عليكى يابنتى أيه  اللي بيحصل لك ده يا وجع القلب ليه الفضايح”. 

راندا البحيري

 ودخلت الفنانة راندا البحيري، في نوبة بكاء أمام جمهورها، أثناء توجيه رسالة دعم للفنانة شيرين عبد الوهاب، بعد الحديث عن دخولها مستشفى لعلاجها من الادمان كما قال شقيقها 

في هذا السياق، ظهرت راندا في فيديو عبر حسابها الرسمي على موقع التواصل الإجتماعي “فيس بوك” وهي تبكي وتقول: أتمنى تكوني كويسة.. أنا متعلقة بشيرين.. أول مرة زعلت من شيرين أوي لما قالت إنها هتعتزل اليوم ده.. كنت مخنوقة فيه بشكل مش طبيعي، وبعدين سمعت قرار الاعتزال يومها حسيت أن القرار ده مش ملكها.. ده مش حقها لأنها بتاعتنا بتاعة المصريين.

وتابعت قائله: “ليه ده أنا هتمنع اسمع صوت شيرين تاني.. قعدت أقول يارب يطلع الكلام ده مش صح.. أنا دلوقتي بتمنى أن انتي تكوني عارفة غلاوتك ومقدارك عند الناس، لأن من الواضح أنتي متعرفيش خالص.. أنتي لو عارفة المشكلة تخلص؛ الواحد محتاج دافع يعيش عشانه وتجدد شغفه علشان تعيش في الدنيا”.

واختتمت راندا البحيري بقولها: "حب الناس حاجة كبيرة جدًا تخلي الواحد مبسوط، ويقدر يقف قدام مرض وأي حاجة وحشه وتزعل على زعلها.. أنا الكام مرة اللي تعبت فيهم بالفعل في ناس تعبت على تعبك وزعلت على زعلك أنا لما بتزعلي أنا بزعل.. هي صعبانة عليا جدًا مكنتش أحب توصل للمرحلة دي من الوجع وبدعيلك وبحبك".

وقال محمد رمضان في تصريحات تليفزيونية: "ألف سلامة على شيرين وهي نجمة عربية مهمة، وربنا يطمنا عليها ويقومها بألف سلامة".

رسالة لطيفة لشيرين

كما وجهت الفنانة لطيفة التونسية، رسالة لشيرين، قائلة: "ربنا يوفقك وانتى مفيش منك اتنين ياريت تهتمي شوية بنفسك بس".

منة شلبي تنتقد الهجوم علي شيرين عبد الوهاب

من جانبها قالت الفنانة منة شلبي: "شيرين عبد الوهاب أهم مطربة في الوطن العربي وحياة الإنسان الشخصية وارد فيها الخطأ والصواب ومينفعش الناس تجلد حد على اختياراته".