عمرو يوسف: حياتي اتغيرت بعد الإنجاب.. وفلوس التمثيل على قد تعبنا
قال الفنان عمرو يوسف: "بقيت أحب قعدة البيت مع ولادي حياة وكريم، وحياتي بعد الخلفة اتغيرت كتير عن زمان".
حياة عمرو يوسف بعد الإنجاب
وأضاف خلال لقائه ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "بعد الخلفة بقيت بقعد في البيت أكتر، وأستمتع في البيت أكتر، وأفضل ألعب مع بنتي حياة، وبتقعد تلزق ليا استيكر على وشي".
سمات ابنة عمرو يوسف
ولفت: "حياة ابنتي عمرها 4 سنوات، ولاحظت أن شخصيتها قوية جدًّا، ودايمًا عايزة تجيب حقوق الناس، ولذيذة ودمها خفيف، وبحب أقعد معاها".
علاقة عمرو يوسف بالكرة
وأشار: "أنا مليش في الكورة خالص أنا صفر في الكورة ولا أهلاوي ولا زملكاوي ومبسوط جدًّا إني مليش في الكورة خالص، بس بلعب رياضة، وأنا بكلم صديقي أحمد صفوت قاللى انت بتكلمني دلوقتي ده صلاح بيلعب ومحدش بيكلم حد في الوقت ده، ولكن بحب أتفرج على ماتشات المنتخب".
تخطي الظروف الصعبة
ولفت: "مفيش حاجة مضيقاني اليومين دول ولكن قلقان قلق طبيعي ولكن متفائل أننا هنعدي الفترة الصعبة وشوية الخنقة اللى إحنا فيها".
أموال التمثيل
وأوضح: "على قد الفلوس اللى بناخدها بيطلع عنينا، بناخد فلوس تعيشنا كويس بس مش بنكبش يعني، ومش بنروح التصوير هزار ولكن التزام بالمواعيد ومذاكرة وتجهيز وإعداد وتصوير".
