يحيى الفخراني: المسرح تلميع لعدتي قبل ما تصدي.. وحبيت أفلام المقاولات لهذا السبب
قال الفنان يحيى الفخراني: "المسرح بالنسبة لي تلميع للعدة قبل ما تصدأ، وأول عرض لرواية "ياما في الجراب يا حاوي" على المسرح كان سنة 1992 مع علي الحجار وأنغام".
تجربة الملك لير
وأضاف خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة "إم بي سي مصر": "في تجربة مسرحية الملك لير، قرايبي قالولي انت مجنون حد يعمل الشخصية دي دلوقتي، فقلت لهم هاعملها والمسرحية كانت تذاكرها متباعة كلها قبل أول عرض بشهرين".
موعد عرض مسرحية ياما في الجراب يا حاوي
ولفت: "مسرحية "ياما في الجراب يا حاوي" ستعرض يوم 21 أكتوبر الجاري".
رأي يحيى الفخراني في حال الفن
وعن رأيه في حال الفن حاليًا، علق يحيى الفخراني:"الفن مراَة للمجتمع والواحد ميتخضش علي وضع الفن لإنه بيطلع وينزل، ولكن دلوقتي كويس لكن العمق الفكري قليل شوية والتكنولوجيا غلبت شوية، الفن المهم يبقى موجود ومبيبلطش لإن لما يبطل ده هو الخطر، ولما قالوا افلام المقاولات كنت حابب افلام المقاولات لإني دي هي اللى هتيحيي الصناعة ودي اللي بتظهر العمل الكويس، ولازم يكون فيه متعة فنية بجانب القيمة.
