صليت ركعتين قبل ما اكلم عادل إمام.. أميرة عبد العظيم تتعرض لهجوم حاد على السوشيال ميديا| فيديو
تعرضت الإعلامية أميرة عبد العظيم، لإنتقادات حادة من جمهورها ومتابعيها، وذلك بعدما ظهرت في أحد البرامج التلفزيونية في الساعات الأخيرة، تتحدث عن صلاتها ركعتين قبل التحدث مع الفنان عادل إمام في التليفون.
واعتبر الجمهور تصريحاتها في البرنامج تصريحاتها مهينة، وأنه لا يجب ربط الصلاة بأشخاص.
قال الكثير من متابعيها على موقع التواصل الاجتماعي “فيس بوك”: “عيب لما تقولي صليت ركعتين عشان شخص زيك زيه”، وقال متابع آخر:"اية دخل الصلاة بإنك كلمتي عادل إمام".
وكانت الإعلامية أميرة عبد العظيم، قالت إنها لا ترى مشكلة في صلاة ركعتين قضاء حاجة قبل حديثها مع عادل إمام، وأضافت: لما تكوني عايزة تعملي حاجة وعايزة ربنا يوفقك، بتدعي وبتصلي، مش عيب يعني.
وتابعت أميرة عبد العظيم: "الأستاذ عادل إمام كان أول حلقة لي في البرنامج، ابتدي بالقمة عشان بعد كده كل النجوم اللي جايين لي يكونوا من الدرجة الأولى، لكن لو ابتديت صغيرة هفضل صغيرة".
وأكدت: "في الوقت ده كان أستاذ عادل إمام مابيروحش البرامج، وأنا قلقانة إنه مايوافقش، عادي قمت صليت، وأنا الحمدلله بأصلي والله، قمت صليت وكلمته، عرفته بنفسي وقلت له عايزين حضرتك في البرنامج، رد بكلمتين وقال موافق".
واختتمت أميرة عبد العظيم تعقيبها متسائلة: "أيه المشكلة إن إحنا نصلي عشان ربنا يسهل لنا المهام اللي عايزينها؟"
