في اليوم العالمي للصحة النفسية.. نبيلة مكرم للمرضى والمجتمع: "المرض النفسي مش عيب"

وجَّهت نبيلة مكرم وزيرة الهجرة السابقة، رسالةً لكل مريض نفسي فى اليوم العالمى للصحة النفسية، قائلة: "لكل مريض نفسي: اتكلم، ماتخافش، مرضك لا يعكس شخصيتك أنت محتاج علاج واحتواء".

كما وجَّهت رسالةً لكل أم رسالة عبر صفحتها عبر مواقع التواصل الاجتماعي "فيس بوك"، قائلة: "لكل أم: إنتي مش لوحدك ومش السبب.. كمِّلي للآخر".

ووجَّهت رسالة أخرى للمجتمع: "رفقًا بالمرضى النفسيين، وربنا يحفظ الجميع".

مش حاجة عيب ولا غلط

وقالت: "فاهم يعنى إيه إن المرض النفسي زيه زي أي مرض عضوي؟ مش حاجة عيب ولا غلط".

واستكملت حديثها وقالت: "فاهم يعنى إيه إن المريض النفسى عايش فى وسطنا بس بيعافر لوحده؟! مش هو اللي مقطع هدومه وبيجري فى الشوارع.

فاهم يعنى إيه إن مواقع التواصل الاجتماعي ممكن تأثر على نفسية شبابنا؟ ما تستهونش بدورها فى حالات الاكتئاب.

فاهم يعني إيه إنك لازم تطلب المساعدة من أطباء نفسيين ومتخصصين؟ مافيهاش كسوف ولا إحراج.

فاهم يعني إيه تبقى الأسرة عارفة تتعامل مع المرض النفسي؟ ما تبقاش لوحدها دون وعي وإرشاد".