"فتح دماغي وجالي نزيف في عيني".. عروس الإسماعيلية تكشف كواليس جديدة عن تصرفات زوجها
كشفت مها محمد، عروس الإسماعيلية، كواليسَ جديدة من تعرضها للعنف على يد زوجها، مؤكدة: "منذ زواجي وأنا أتعرَّض للضرب بالشوم كل يومين، ولازم ينزل منِّي دم علشان يرتاح ويكف عن الضرب".
نزيف في شبكة العين
وتابعت خلال مداخلة هاتفية ببرنامج "الحكاية" الذي يقدمه الإعلامي عمرو أديب بقناة “mbc مصر”: "زوجي فتح دماغي وضربني بالبونية في عينيا، وعملت تقريرا طبيا أثبت إني عندي نزيف في شبكة العين، وكل يومين مكنش يسيبني إلا لما يضربني".
حبس عروس الإسماعيلية في شقة الزوجية
ولفتت عروس الإسماعيلية: "زوجي حبسني 15 يوما في شقة أخيه، وخلال تلك الفترة كنت أتعرض للضرب والشتيمة والإهانة، وكل ده بسبب خلاف تافه جدًّا بيني وبينه مايستاهلش إني اذكره.. علشان كان عايزني أقعد في بيت العيلة والشقة اللي تحت، وهي ضيقة ومينفعش أعيش مع إخواته، وعندما رفضت حبسني ونزل عليَّ بالضرب والشومة على وشي ونزفت دم".
استغاثة عروس الإسماعيلية
وأشارت مها محمد: "في يوم نزلت أستغيث بالناس، وملقتش حد يغيثني، فلما جريت في الشارع نزل يجري ورايا هو وأهله ومسكوني ولحقوني والجلابية اترفعت، وكانت مشكلة ولما رُحت البيت نزل فيَّ بالضرب تاني بلا شفقة ولا رحمة".
وتابعت عروس الإسماعيلية: "خلال فترة حبسه ليَّ كان بيجيب لي أكل، ولكن قبل ما آكل لازم يديني علقة، وكان بيهددني بالجواز عليَّ".
وأوضحت مها محمد: "هربت منه وحررت محضرا في قسم الشرطة، وقمنا بعمل تقرير طبي، والنيابة حصلت على أقوالي والآن أنا متواجدة في منزلي، وزوجي محبوس، ومهما حصل قسمًا بالله لن أتنازل عن حقي ولا أرجع له، ويوم فرحي اتنازلت وقلت يمكن يتصلح حاله، ولكن مفيش فايدة".
