صفاء جلال: أرفض أي دور به محاذير أخلاقية وزوجي حذرني من "الراقصة"
قالت الفنانة صفاء جلال: "بعد مسلسل امرأة من زمن الحب زوجي قال لي هتكملي تمثيل بس ما تعمليش رقاصة تاني".
محاذير صفاء جلال الأخلاقية
وتابعت خلال لقائها ببرنامج “كلام الناس” المذاع علي قناة “إم بي سي مصر”:"لو الدور فيه أي محاذير أخلاقية مش هعمله، ولو الموضوع هيسبب مشكلة في حياتي واستقرار أسرتي مش بعمله، والحمد لله أنا متجوزة بقالي 24 سنة والحياة كويسة والحمد لله على زوجي وأمي وبناتي وشغلي".
زوج صفاء جلال
وأضافت: "زوجي بيحبني وبيحترمني ولما بيلاقي شغلي حاجة حلوة ومهمة ومحترمة بيشجعني وبيقدرني، وهي شركة وأنا شغالة فيها ولازم أحب بيتي وشغلي، والأهم عندي إن شغلي ما يقصرش على بيتي ولا على زوجي ولا بناتي".
