شاهيناز عن البنطلون المقطع: لازم أواكب الموضة
علقت المطربة شاهيناز على إطلالتها الجريئة، والتي ظهرت بها مساء أمس الجمعة في افتتاح أحد الكافيهات، الأمر الذي تسبب في تعرضها لبعض الإنتقادات.
وقالت شاهيناز في تصريح خاص لـ"فيتو": "أنا فنانة ومظهري وطلتي جزء من عملي ومن اللازم أن أواكب الموضة والتطور معها مضيفة: “إلي جانب أن بنطلوني في بنات كتير مش فنانات بيلبسوه عادي”.
إطلالة جريئة لـ شاهيناز
وكان الإعلامي محمد الغيطي علق على إطلالة الفنانة شاهيناز الجريئة بعد خلع الحجاب، وظهورها في أحد الكافيهات.
وقال "الغيطي" خلال برنامج "تقدر مع الغيطي" المذاع على قناة "الشمس": "شاهيناز طالعة بتغني في كافيه زميلتها رنا سماحة، وهي كانت لبست الحجاب ومرت بفترة مرض، ودلوقتي طالعة ببنطلون مقطع، ومش عارف ليه كده يعني يا حجاب يا مقطع".
وتابع: “شاهيناز عدت الديرتي، واللي لابساه بنطلون انتش واجري، يا حاجة شاهيناز حجاب وقولنا ماشي وبعدين مرضتي وربنا شفاكي وإنتي صوت رائع خصوصًا اللي اكتشفك حلمي بكر فاهتمي بالصوت والفن أكتر من الديرتي والبنطلونات”.
