أمل إبراهيم: أنا زعلانة من فاتن حمامة وبطلت اتفرج عليها | فيديو
قالت الفنانة أمل إبراهيم: "معجبتش المخرجة في مسلسل ضمير أبلة حكمت، لأن الفنانة الراحلة فاتن حمامة قالت لها ازاي تلبس منديل بأوية، فقلت لها بنت البلد بتلبس كده، فكان رد سيدة الشاشة العربية محبش حد معايا يلبس اللي انتي لابساه ده".
سيطرة فاتن حمامة
وتابعت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة":"بقول لفاتن حمامة الدور بيقول اني البس منديل بأوية، فقالت لي ايوا الدور بس انا فاتن حمامة وبقول كل حاجة، فارجعت للمخرجة فقلت لي ايوا هي تقول اللى عايزاه، فقلت لها حاضر".
شد وجذب مع فاتن حمامة
وأضافت:"فاتن حمامة كانت طول الوقت بترخم عليا في تصوير ضمير ابلة حكمت، لدرجة انها كانت بتقول امشي كذا واتحركي كذا، ومرة بتقولي اتحركي 2 سم فقلت لها حاضر بس ابعتيلي مسطرة، فقالت لي انتى بتتريقي عليا فقلت لها لا سمح الله انا جاية في شغل، ومش عايزاني قولي ليا، وكنت صورت يوم واحد وذاعت المشهد بتاعي، انا زعلانة من فاتن حمامة وبطلت اتفرج عليها وانا مسمحاها".
