شوبير لمهاجمي مجلس الأهلي: شعبية النادي هتزيد وأنت هتنقص | فيديو

وجَّه الإعلامي أحمد شوبير رسالة قوية لبعض لاعبي النادي الأهلي المعتزلين الذين يهاجمون مجلس إدارة القلعة الحمراء.
 

اعتزال أحمد شوبير

وقال "شوبير" خلال برنامج "ملعب أون تايم" المذاع على قناة "أون تايم سبورت": "اعتزلت في 1997 ومن يومها ماشتغلتش في النادي الأهلي خالص، والأهلي الجزء الأكبر من حياتي ودلوقتي بقى جزئين، وجالي أوقات كان لازم أشتغل وكانت ظروفي أني لازم أشتغل وقعدت مع المسئولين في النادي الأهلي ورشحوني مديرا لقطاع الناشئين واتفقنا على كل شيء وقبلها بساعة زمن اعتذروا لي وقالوا لي انت مش معانا فقلت لهم شكرًا وهما لقوا الأحسن والأجد مني واللي هيفيد النادي ووقتها مكنتش بشتغل حاجة في 1999، فمش معنى أني مبشتغلش في النادي الأهلي أطلع أقول مفيش بطولات ولا إنجازات ولا نجاحات وبقالهم كام سنة مبياخدوش حاجة".
 

بطولات النادي الأهلي

وأضاف: "أنا مش هعد بطولات النادي الأهلي لأني لو عديت هتعب، لكن قصة الانتقام علشان مش موجودة في النادي الأهلي قصة عجيبة شوية أولًا انت بتخسر كتير جدًّا من الجماهيرية والشعبية وحب الناس، وثانيًا محدش هيصدقك لأن الأرقام لا تكذب فمفيش داعي أنك تمشي في سكة التشكيك والانتقام طول الوقت لمجرد أنك مش موجود في منصب بالنادي".

شعبية النادي الأهلي

وتابع: "شعبية النادي الأهلي والأندية الكبرى عمرها ما بتقل بل بتزيد لأن باختصار عنده جماهيره وبيتولد ناس تانيين فبيطلع يا بشجع هنا أو هنا، النادي الكبير شعبيته بتكبر ومصر كانت 50 مليون دلوقتي بـ105 مليون والشعبية أكيد زادت وكبرت مع نجوم زودوا شعبية هذه الفرق، وصالح سليم من أهم أسباب شعبية الأهلي وأيضًا الكابتن محمود الخطيب وبعدين أبو تريكة وحسام غالي وبركات، ونروح على الزمالك نلاقى حمادة إمام وحازم إمام من أهم شعبية الزمالك وأيضًا شيكابالا، والإسماعيلية علي أبو جريشة، والاتحاد زادت شعبيته بفضل شحتة الإسكندراني".

تعليق شوبير على مبادرة مؤمن زكريا لنبذ التعصب

نجم برازيلي وآخر أفريقي.. شوبير يكشف آخر صفقات الأهلي | فيديو

رسالة شوبير لمهاجمي الأهلي

وأكمل: "مش هيطلع لاعيب لعب سنتين أو تلاتة يطلع يقول مبشوفش بطولات للنادي الأهلي وأنا بقوله على فكرة مش هيزودك بل هينقصك".