رامي جمال: الشاعر بهاء الدين محمد بطل تحكيم في برنامج مسابقات المواهب بسببي | فيديو
كشف الفنان رامي جمال، قصة رفض لجنة تحكيم برنامج "ستار ميكر" الذي كان قدمه الفنان أمير كرارة على التليفزيون المصري منذ 20 سنة، له.
موهبة رامي جمال
وقال رامي جمال خلال لقائه ببرنامج "سهرانين" الذي يقدمه الفنان أمير كرارة بقناة "أون إي": "بدأت غناء وأنا طفل في الحضانة وكنت عارف حجم موهبتي ومؤمن وعندي ثقي إني أقدر أحقق أحسن من اللى وصلت له".
رفض بهاء الدين محمد لرامي جمال
وأضاف: "الشاعر بهاء الدين محمد مش أول حد يحبطني بس هو أول خطوة متشافة فيها إحباط قدام الناس، ولما اتقابلنا بعد كده مكنش فاكر أنه رفضني في برنامج ستار ميكر وأنه قاللى شوفلك حاجة تانية غير المزيكا".
قرار بهاء الدين محمد بسبب رامي جمال
وتابع: "بهاء الدين محمد لما اتشهرت قاللى انت ملحن شاطر ومطرب شاطر ولازم نشتغل مع بعض، فقلت له أنا الشخص اللى قلت له من 20 سنة شوفلك شغلانة تانية غير المزيكا، فلقيته بيقولي بجد أنا بسببك قررت إني مش هقبل وجودي في برامج المسابقات".
