عمرو أديب: مش بالع أشوف الأهلي بتيشيرت رعاية الخطوط القطرية.. وفيه مشكلة في المونديال

قال الإعلامي عمرو أديب: "برونو سافيو لا عب النادي الأهلي الجديد باين عليه جامد أوي، بس شكله واخد عين بسبب مشكلته مع فريق بوليفار واعتدائه على الحكم".
 

رعاية النادي الأهلي

ولفت عمرو أديب خلال برنامج "الحكاية" المذاع على قناة "إم بي سي مصر": "أنا كمشجع مصري مش بالع أشوف الأهلي يلبس تيشيرت عليه رعاية الخطوط الجوية القطرية".
 

مشكلة إتاحة الخمور بقطر

وأشار: "يوم 20 نوفمبر كأس العالم في قطر، وأول دولة عربية تنظم البطولة، وفيه مشكلتين بيواجهوا البطولة دي، واحدة فيهم قطر قدرت تحلها، بس التانية مش قادرة تحلها شوية، المسألة الأولى قالوا يا قطر الإسلامية عايزين يبقى فيه خمرة وشرب الخمور ده اتحل بعد استشارة بعض الشيوخ عندهم مثل الشيخ القرضاوي، وقال لهم: مفيش مشكلة لو اتباعت من أجانب لأجانب، وبعض الناس قالوا أن الخمرة هتتباع جوا الإستاد، وفيه ناس تانية قالوا هنتيحها في أماكن معينة قبل الماتش وبعد الماتش، وقرروا إن الخمرة أو البيرة هتبقى موجودة قبل المباراة بـ3 ساعات وبعد المباراة بوقت معين".

مشكلة المثلية الجنسية بمونديال قطر

وأكمل: "قطر حلت مشكلة توفير الخمور، الحدوتة التانية اللي مش قادر أفهمها اللي بقالها مدة، ومش قادر أفهم سر قوتها وجبروتها موضوع المثليين، والـ3 شهور الأخيرة فيه زن رهيب على المثلية الجنسية في قطر".