منى زكي: أنا وأحمد حلمي كان نفسنا نخلف بنات كتير مش ولاد | فيديو
قالت الفنانة منى زكي: "يونس ابني آخر العنقود وأصعب واحد غلبني ولسه بيغلبني في التربية، أما بنتي لي لي فكانت نسمة وقعدت معاها 11 سنة كانت نسمة".
حب منى زكي للبنات
وتابعت خلال لقائها ببرنامج "سهرانين" الذي يقدمه الفنان أمير كرارة بقناة "أون إي": "تربية البنات بالنسبة لي أسهل من الأولاد، وفكرة أن حد يبصلي وأنا بتكلم ويبقى فيه تواصل ما بينا ومركِّز معايا دي مبتحصلش مع الصبيان ولكن البنات هي اللي بتبقى مصحصحة ومركِّزة معايا".
رغبة أحمد حلمي ومنى زكي في الإنجاب
وأضافت: "أنا وأحمد حلمي كان نفسنا نخلف بنات كتير مش ولاد، ولما جاء الولاد انبسط أوي بس الخلفة دي بتاعت ربنا، وأحيانا الستات بتبقى سند أكبر لأهلها أكتر من الرجالة، ولكن ليها علاقة بمين قادر يشيل المسئولية".
ابنة منى زكي
ولفتت: "بنتي لي لي كانت شايلاني آخر سنتين مع الولدين كأنها أم بديلة وبتساعدني ولكن للأسف رايحة جامعة فأنا اللي هبقى متدبسة، وهي بتشتغل في مشروع الرسم وأنا فخورة بيها وبشجعها، وأحمد حلمي بيرسم أكتر مني، ولكن أنا موقفة رسم ومش في دماغي".
