ناهد رشدي تبكي على الهواء: تعايشت مع تعبي وشفت كل واحد على حقيقته | فيديو
بكت الفنان ناهد رشدي، على الهواء، قائلة: "تعايشت مع تعبي وشفت كل واحد علي حقيقته في فترة مرضي، ومش عايزة أقول المرض اللي كنت بعاني منه".
مرض ناهد رشدي
وتابعت خلال لقائها ببرنامج "الستات" الذي تقدمه مفيدة شيحة وسهير جود بقناة "النهار":"التعب غير فيَّ حاجات كتير وابتديت أشوف الناس على حقيقتهم ناحيتي، وكان فيه ناس فرحانين في مرضي وللأسف اقرب الناس ليَّ".
ظروف قاسية لـ ناهد رشدي
وأضافت: "انا ما كتبتش على السوشيال ميديا ظروف مرضي ولا إيه المرض اللي أصبت به علشان محدش يشمت فيَّ، وعلشان لو حد بيحبني هيزعل بجد".
ولفتت: "عشت 30 أو 40 سنة مضحوك عليَّ من أصدقاء وأقارب وأنا كنت مصدقاهم بس في فترة مرضي اكتشفتهم على حقيقتهم، وعرفت إنهم عايزين يشوفوني في أسوأ حالة وفرحانين في مرضي ودي بالنسبة لي خيانة ليَّ".
شماتة أقارب ناهد رشدي في مرضها
وأكملت: "مش فاهمة ليه ناس تشمت فيَّ وتفرح أذيتي وأنا عارفة إن أقرب الناس ليَّ كانت عايزة بيتي يتخرب، وكانوا متضايقين إن زوجي واقف معايَ عامين ما بيخرجش من البيت خلال فترة مرضي، وهذا نوع من الحقد والكره".
