نور النبوي يصدم والده بسبب دراسته في فرنسا | فيديو
قال الفنان نور النبوي، نجل النجم خالد النبوي: "أنا بحب مهنة التمثيل وأتمنى أبقى كويس فيها، ومن فترة الجامعة حبيت السينما وشفت نفسي أكون ممثلا".
هروب نور النبوي من الجامعة
وأضاف خلال لقائه ببرنامج "معكم" الذي تقدمه الإعلامية منى الشاذلي بقناة "سي بي سي": "خلصت المرحلة الثانوية في مصر وبعدين سافرت درست سنتين اقتصاد في جامعة بجنوب فرنسا قريبة من مارسيليا، وللأمانة مكنتش بروح الجامعة مع أني عارف أن بابا خالد النبوي هيزعل منِّي دلوقتي لأني مكنتش لاقي نفسي في الدراسة دي".
حياة نور النبوي بفرنسا
ولفت: "خلال دراستي الاقتصاد في فرنسا روحت اشتركت في السينما علشان أتفرج على الأفلام وروحت اشتغلت في مسرح أقطع تذاكر وأصحاب المسرح كانوا عارفين يوسف شاهين وعمر الشريف وجميل راتب فكنت مبسوطا أني أناقشهم في السينما، وبعدين كنت أتفرج على المسرحية وأمشي، والصبح أشوف أفلام".
توجه نور النبوي للتمثيل
وأشار: "أنا أول سنة في دراسة الاقتصاد حاولت، وتاني سنة معرفتش فكانت وجهتي التمثيل".
