بعد سخريته من النيو لوك.. أول رد من بهاء سلطان على محمد هنيدي
داعب الفنان محمد هنيدي، الفنان بهاء سلطان، بشأن ظهوره بنيولوك جديد في أغنية دلوقتي عجبناكوا، التي طرحها في الساعات الماضية.
ونشر هنيدي، صورة عبر حسابه الرسمية على موقع “فيس بوك” مشبهًا فيها نفسه بـ السلطان ويطلب منه عدم تقليده مرة أخرى، في رسالة طريفة بينهما.
فيما فاجأ بهاء سلطان، الفنان محمد هنيدي برده ليرد عليه قائلًا: أنا أتشرف إني أقلدك يا نجم النجوم.
وكان هنيدي نشر بوستر أغنية دلوقتي عجبناكوا، وهو يضع صورته على البوستر بدلًا من بهاء سلطان، ممازحًا إياه: مبروك لـ بهاء سلطان على الألبوم الجديد، بس يا ريت متقلدنيش تاني يا بهاء، واخد كل تفصيلة.
على الجانب الأخر، كان أسم الفنان بهاء سلطان، تصدر مؤشرات البحث في الساعات الماضية، وذلك بعدما طرح أغنيته الجديدة “دلوقتي عجبناكو”، عبر القناة الرسمية لـ “روتانا”، بعد فترة توقف كبيرة.
فى هذا السياق، انتشرت صور لـ “بهاء”، أثناء احتفاله بالأغنية أمام برج القاهرة، والذى تم كتابة اسمه عليها، عقب انتشار الأغنية في الساعات الماضية.
“دلوقتي عجبناكو”
وتقول كلمات الأغنية الجديدة لبهاء سلطان "دلوقتي عجبناكم؟ ما كنا حلوين ومعاكوا! فجأة الشوق آهو جابكوا طب إيه كان مشّاكوا؟ أيوة إحنا إحلوينا.. لأ وكمان بقينا.. صعب يخش علينا.. كلمة ودمعتين.. كنا زمان حاجة تانية.. غلب وطيبة الدنيا.. كنا بنيجي ف ثانية.. كنتوا ساعتها فين".
"دلوقتي بقينا فلة.. ده إنتوا كسرتوا ورانا قلة.. ومشينا وسايبينها على الله.. كدة فجأة وجعناكوا.. عارفين أيوة قسينا.. نشفنا ورانا رمينا.. دنيا بنت لذينة.. يوم سلف يوم دين.. والله مش ندية.. ولا عِند ولا أذية.. أصل المواضيع ديا.. خلصت من سنتين.. دلوقتي إتقدرنا.. ده إحنا ياما إتكدرنا.. يلا قدركم وقدرنا.. تيجوا بعد ما ننساكوا".
فسخ تعاقده ونصر محروس
وكان بهاء سلطان كشف عن أغنيته الجديدة "دلوقتي عجبناكو" أنها أول أغنية جديدة له بعد تعاقده مع شركة "روتانا". وذلك عبر مقطع فيديو قصير بثه على موقع التواصل الاجتماعي "إنستجرام" من داخل سيارته، وعلق قائلًا: "انتظروني قريبا جدا مع شركة روتانا وأول أغنية بعد الرجوع "دلوقتي عجبناكو" ومستني رأيكو في الأغنية ومشاركتكم من خلال مقاطع الريلز على إنستجرام وفيسبوك".
