حسام حسن يحتفل بتخرج ابنته من الأكاديمية البحرية

شارك حسام حسن نجم وقائد منتخب مصر الأسبق، في حفل تخرج ابنته زينة من الأكاديمية البحرية.

تدريب المصري 

يذكر أن آخر محطة تدريبية خاضها حسام حسن، كانت مع النادي المصري البورسعيدي قبل رحيله عن النادي.

هاجم حسام حسن، المدير الفني للفريق الأول لكرة القدم بالنادي المصري البورسعيدي، رضا شحاتة، نجم الأهلي السابق، بعد تصريحه الأخير بصعوبة عودة التوأم للنادي الأهلي مرة أخرى من خلال تولي تدريب فريق الكرة، كما وجَّه رسائل نارية لمسئولي الأهلي السابقين.

وقال حسام حسن: «إدارات النادي الأهلي في الفترات الماضية، أعطت الفرصة لأي حد يتكلم على رموز وأولاد النادي الأهلي اللي بجد، ولما يجي رضا شحاتة قعد في الأهلي سنة ولا سنتين يقول أنا عارف الأهلي كويس وعارف داخليات الأهلي كويس! أنت لعبت شهرين ولَّا سنة يا رضا مع احترامي الشديد لك، أنت جاي من المنصورة لعبت في الأهلي سنة على رأسنا ولكن أنت مش ابن النادي».

وأكمل: «النهاردة لما يجي وائل جمعة يلعب في الأهلي سنتين ولا تلاتة ولا أربعة ويجي أبوتريكة يلعب ست سنين ولا خمس سنين، هو مش ابن النادي الأهلي، ويجي عصام الحضري يلعب 5 ولا 6 سنين ويقولك أنا ابن الأهلي، هم مش أبناء الأهلي هم أضافوا للأهلي زي ما أنا وإبراهيم روحنا الزمالك لعبنا 4 مواسم وخدنا بطولات أكتر من رموز نادي الزمالك مثل حسن شحاتة وفاروق جعفر وأكبر لاعب في الزمالك ماخدش البطولات اللي خدناها مع النادي في 4 مواسم، ولكن إحنا مش ولاد نادي الزمالك ولكن تشرفنا بوجودنا في نادي الزمالك ومبقولش إحنا أولاد الزمالك و(اتشعبط فيه) ومبقولش أنا عارف داخليات الزمالك، زي رضا، جاي سنتين ولا تلاتة ولا سنة، ويقولك أصل أنا عارف داخليات الأهلي وحسام وإبراهيم مش هيدخلوا النادي الأهلي! أنت مين يا رضا معلش، مين اللي اداك فرصة للكلام ده».

وأضاف في تصريحات لبرنامج «اللعيب» على قناة «إم بي سي مصر»: «أرجو قبل ما الناس تموت بما فيهم إحنا، اعملوا برنامج وتشوفوا إحنا مشينا إزاى ورجعنا من سويسرا إزاى، أخذنا شنطنا عشان صالح سليم قالنا النادي الأهلي محتاجكم والكابتن صلاح حسني كان منتظرنا في البيت في سويسرا، أخذنا شنطنا من غير ما نعرف النادي وده مش عمل احترافي لكن النادي الأهلي بالنسبة لنا حاجة كبيرة».

وواصل: «لما رجعنا الأهلي وأخدنا في 7 سنوات بطولات وكنت في منتخب مصر راجع من بطولة أمم 2000 لاقينا نفسنا بره النادي على الرغم من كانت لدينا عروض من تركيا، ألاقى العقد خلص ويقولي شوفوا مصلحتكم».

وأردف: «من حق أي نادي يمشِّي أي لاعب، ولكن لما أمشي كباتن الفريق أقول أشكركم على ما قدمتوه لناديكم ويتم عمل حفل تكريم»، مضيفًا: «من حق الإدارة تقول شكرًا مش هنجدد معاك ولكن يتم تعويم الأمور و يقولك عاوزين حسام وإبراهيم.. لا ده محصلش».

واختتم حسام حسن، تصريحاته قائلًا: «لو هناك 12 أو 10 كباتن في تاريخ الأهلي أنا وإبراهيم من ضمنهم»، مضيفًا: «أتمنى يتعمل برنامج يجي حسن حمدي ومحمود الخطيب وصلاح حسني، يقولوا إحنا جينا إزاي من سويسرا ومشينا إزاي، مشينا غصب عننا، لكن ربنا كرمنا وحصلنا مع نادي الزمالك على بطولات».