علاء مرسي: كنت عامل نضافة في المسجد النبوي وهنيدي وأحمد حلمي رجعوني | فيديو
قال الفنان علاء مرسي: "كان لي صديق من أهل المدينة المنورة وهو رجل أعمال وكان بيحبني جدًا وقاللى هاعملك تأشيرة إقامة علطول ومهنة التمثيل وقتها كانت ممنوعة لدخول السعودية فقاللى عندي مهنة عامل نظافة في المسجد النبوي فقلت له انا أطول ابقى عامل نظافة وفعلا روحت".
سر عودة علاء مرسى للتمثيل مجددا
وتابع خلال لقائه ببرنامج "الستات" الذي تقدمه مفيدة شيحة وسهير جود بقناة "النهار": "كنت عامل نظافة في المسجد النبوي ومحمد هنيدي اللى رجعني بفيلم "عسكر في المعسكر" وأحمد حلمي في "ميدو مشاكل" وانا وقتها كنت في المدينة".
مكالمة أحمد حلمي مع علاء مرسي
ولفت: "أحمد حلمي هو اللى كلمني قبل هنيدي، وقاللى انا هاعمل أول فيلم في حياتي وتجربتي وكان وقتها بدأ يظهر، فعايزك تقف معايا، فرجعت مصر تاني، وقتها مكنتش اخدت قرار اعتزال التمثيل ولكن كنت وقتها غضبان من الوسط الفني ومش عايز حد يكلمني، ولما رجعت بدأت اتحرك".
سر عمل علاء مرسي في المسجد النبوي
وأشار: "لما زعلت من الوسط الفني وروحت المدينة المنورة كنت لسه متجوز ومخلف ابني محمد وسيبتهم وسافرت لوحدي وأنا برج السرطان وحساسيته مفرطة جدا وطيب ويسامح جدا بس لما يتقمص يزعل".
العلاقة مع محمد هنيدي
وتابع: "اتصالحنا أنا ومحمد هنيدي واحنا في المدينة المنورة لإن بينا عشرة العمر والشقاء اللى شوفناه مع بعض والحلم، ونجاحه من نجاحي".
