بقى تجارة.. هدى رمزي باكية على الهواء: زعلانة على حال الفن في مصر
بكت الفنانة هدى رمزي على الهواء، حزنًا على تدهور حال الفن خلال السنوات الأخيرة، قائلة: "زعلانة على الوسط الفني دلوقتِ".
حنين هدى رمزي إلى الفن الجميل
وتابعت خلال لقائها ببرنامج “كلام الناس” المذاع على قناة “إم بي سي مصر”: "زعلانة جدًّا إن مصر كان الفن فيها له الريادة في الوطن العربي والشرق الأوسط بقى قبلنا سوريا ولبنان وتركيا والهند، عندنا فنانين عظماء بس مفيش نجوم وأنا مفتقدة جدًّا الحياة اللي كنت عايشاها، أنا ببكي على الحياة الفنية في مصر، كان الجو زمان حلو وفيه احترام ومنافسة شريفة، جيلي وحشني ونفسي حالة الحب اللي كنا عايشينها ترجع تاني".
تحول الفن في مصر لتجارة
وتابعت: "ساعات باجي اتفرج على عمل دلوقتِ بقول مين دول اللي بيمثلوا، الفن بقى تجارة أكتر منه فن، أنا مخضوضة من اللي بيحصل دلوقتِ".
تحفيز سهير رمزي
وتابعت: "بدأت أحن للخروج إلى التمثيل بعد عودة سهير رمزي للفن ولكن عايزة أعمل حاجة أحس إني كنت عايزة أعملها".
