حب أهلك أكتر من كده.. رسالة تحذيرية من تامر حسني عن العقوق بالوالدين

حرص الفنان تامر حسني على توجية رسالة عن انتشار ظاهرة عدم الاهتمام بالأهالي، موجهًا نصيحة بعض الأبناء العاقين بأهالهم.
ونشر تامر حسني صورًا على شكل مكالمات من الوالدين، وذلك من خلال حسابه بموقع الصور والفيديوهات، انستجرام، معلقًا: جمعة مباركة على الجميع يا رب، ناس كتير بيتمنوا المكالمة اللي فوق دي، أو من أي حد عزيز مش موجود، يا ريت نحب أهالينا ونهتم بيهم بأكبر قدر ممكن في حياتنا، هما السبب في وجودنا، هما اللي ياما حرموا نفسهم من حاجات كتير عشانا.

وتابع تامر حسني حديثه: أدعوا للي مش معانا منهم، وأحضنوا اللي معانا منهم، ونهتم بيهم، ونعوض صبرهم، وتعبهم معانا من وإحنا صغيرين بأفعال جميلة ونجاح وكلام يطيب خاطرهم، ويطمنهم، أرحموهم عشان أولادكم لما يكبروا يرحموكم.

أعمال الفنان تامر حسني

كانت آخر أعمال الفنان تامر حسني هي مشاركته في فيلم بحبك، الذي عرض في السينمات بعيد الفطر 2022، وحقق نجاحًا كبيرًا، وضم الفيلم العديد من أبرز النجوم في بطولته بجانب تامر حسني، منهم: هنا الزاهد، هدى المفتي، مدحت إسماعيل، حمدي الميرغني، شهد الشاطر، والفيلم من إنتاج حسام حسني، وتأليف وإخراج تامر حسني، في أولى تجاربه الإخراجية.