شهيرة: محمود ياسين تفاجأ بقرار اعتزالي التمثيل.. وقلت له عايزة أتقرب من ربنا
كشفت الفنانة شهيرة، حقيقة ما تردد عن تدخل الفنان الراحل محمود ياسين في قرار اعتزالها التمثيل والابتعاد عن الوسط الفني.
قرار اعتزال شهيرة التمثيل
وأكدت خلال لقائها ببرنامج “كلام الناس” المذاع على قناة “إم بي سي مصر”: "محمود ياسين تفاجأ من قرار إعلان اعتزال التمثيل، خاصة أنه عارف مدى حبي للتمثيل".
رد فعل محمود ياسين
وأضافت: "محمود ياسين قال لي هتقدري تعتزلي ومش هتشتغلي خالص؟ فقلت له أنا عايزة أقرب لربنا أكتر، وكدا هبقى مرتاحة وأنا مستمتعة بالقرب من ربنا".
وقالت الفنانة شهيرة في نفس اللقاء: "متقبلة إني كبرت في السن لكنه واقع مزعج، وأنا قاعدة لوحدي في البيت والواحد ما يقدرش يتحملها، وساعات رانيا تقول لي أنتِ بقيت حساسة زيادة عن اللزوم، فأقول لها علشان كبرت، لكن في شبابي كنت بتجاوز بسهولة".
ذكرى محمود ياسين
وأشارت: "في الوحدة وبعد رحيل محمود ياسين وأنا نايمة على السرير بنادي عليه وبحس إنه بيرد عليَّ وبيتجاوب معايا".
شهيرة تفكر في اللجوء لطبيب نفسي
وأكدت: "فكرت ألجأ إلى طبيب نفسي من أسبوعين لأني حسيت إني لازم أتكلم مع حد يسمعني ويخرجني من اللي أنا فيه، وبعدين تركت الفكرة وقلت لأ بلاش، بس جيت في وقت كنت محتاجة أبقى مع طبيب نفسي يمكن يساعدني في الخروج من الحالة النفسية الصعبة اللي فيها والوحدة اللي عايشاها، أنا مش عايزة مهدئات ولا منومات ولا حاجة لأني مش محتاجة غير إني أتكلم وأقول اللي جوايا وألاقي حد يسمعني".
