عندنا جهل طبي مرعب.. تصريحات نارية لمحمد عبد الرحمن بعد عملية قلب مفتوح
تصدر اسم الفنان الشاب محمد عبد الرحمن، الشهير بـ “توتا” مؤشرات البحث على جوجل في الساعات الماضية، وذلك بعد لقاءه في برنامج “معكم منى الشاذلي".
وقال “توتا” العديد من التصريحات، وكانت أبرزها الوعكة الصحية التى مر بها الفترة الأخير، والتى ترصدها “فيتو” في السطور التالية
كشف محمد عبد الرحمن تفاصيل الفترة التي أجرى فيها عملية بالقلب، بجانب الحديث عن النصيحة التي أعطاها له الطبيب قبل الموافقة على العملية الجراحية.
“وعكته الصحية”
وتحدث الفنان محمد عبد الرحمن، الشهير بـ توتا، عن تفاصيل العملية التي أجراها في القلب، في برنامج معكم منى الشاذلي، قائلًا: الدكتور قالي في قرارات مينفعش تاخدها لوحدك، أنت معاك حد من عيلتك، وقولتله أه أخويا الكبير معايا، ولما قالي لازم ناخد موافقة على حاجة عرفت إنها عملية قلب مفتوح، واتخضيت كأي إنسان طبيعي ومش بقول غير الحمد لله.
وتابع الفنان محمد عبد الرحمن: ابتديت واحدة واحدة أتقبل الموضوع، واللي معايا مش هيتقبلوا الموضوع، ووالدتي عرفت بطريقة غير مباشرة، وقولتلهم لو مفيش حل غير ده علشان أعيش فهعملها، وبقيت في مود حلو بعد ما أخذت المنوم، إحنا عندنا جهل طبي مرعب، والتنفس الصناعي مش زي اللي بيحصل في الأفلام، طلع جهاز بيخش جوه ويفتح الشرايين، علشان الرئة بتبقى وقفة، والشخص مش بيبقى قادر على الكلام، والموضوع صعب جدًا ربنا ما يكتبه على حد، وربنا عداها على خير.
واختتم الفنان محمد عبد الرحمن حديثه، قائلا: عمليات القلب المفتوح المريض بيفوق مرة واحدة، والعملية خدت وقت من 6 ساعات ونصف إلى 7 ساعات أو أكثر.
