حوار السيركل يتصدر التريند.. تويتر يفرض ميزة الخصوصية.. والنشطاء: مش عايزين

تصدر هاشتاج "#حوار_السيركل" التريند على موقع التواصل الاجتماعي "تويتر"، وذلك بعد أن تفاجئ مستخدمو منصة "تويتر" بالميزة الجديدة "سيركل"، التي أثارت جدلًا كبيرًا بين نشطاء مواقع التواصل الاجتماعي، وخاصة موقع التواصل الاجتماعي "تويتر"، وانقسم نشطاء "تويتر" بين مؤيد لفكرة الخصوصية مبدين إعجابهم بها، أو معارض للميزة، موضحين أن تويتر فقد ميزته كموقع للتواصل الاجتماعي.

حوار السيركل يتصدر التريند

في البداية قال عز الدين فهمي عن "حوار السيركل" الذي تصدر تريند تويتر إنه "عبارة عن إضافة مجموعة من المتابعين حتى 150 متابعا إلى الدائرة المقربة Twitter Circle، وعند نشر تغريدة جديدة يمكنه اختيار المشاركة معهم بدلا من المشاركة مع الجميع أو في مجتمع من المجتمعات المشترك بها، ويمكن للمستخدم لاحقا إزالة المتابعين من الدائرة أو إضافة متابعين جدد".

وعن ميزة تويتر الجديدة قال تامر زكي الصايغ إن "حوار السيركل يتمثل في أن مجتمعات Twitter توفر للأشخاص مكانًا مخصصًا للتواصل، والمشاركة، ومناقشة أكثر ما يهتمون به مع أي شخصٍ على Twitter. فدائرة Twitter مخصصة لمشاركة التغريدات التي ترغب في مشاركتها فقط مع الأشخاص الذين اخترتهم لرؤيتها".

ميزة خاصة لتويتر

وعلق رحيم الملا "هذه الخاصية متاحة الآن على الأجهزة التي تعمل بنظامي "آي أو إس" و"أندرويد"وعلى الموقع الإلكتروني لـ #تويتر حول العالم، وتم اختبار النسخة التجريبية لهذه الخاصية على مجموعة محددة من نشطاء تويتر في شهر أبريل الماضي" 
فيما قال مصطفى شمس "انا اعتقد بعد حوار السيركل ده حاسس انى هاشوف التايم لاين فاضي، لأنى متاكد أنا مش هاكون فى دايرة حد"

إما وئاد محسن فقالت: "كنت متحمسة لحوار السيركل بس أما جه ادركت اني اللي مش هعرف اقوله قدام الناس كلها مش هعرف اقوله بشكل عام وحاسة هينتج عن الموضوع حوارات كتير والعالم قرية صغيرة كده كده فتقدروا تخدوها تاني مش عايزها."
ورد إسلام عاشور قائلًا: "شايف ان حوار السيركل ده هيقلل الخناقات كتير لما كل واحد يخليه في السيركل بتاعته"

ميزة الأصدقاء المقربين

وعلق محمد أحمد نواوي قائلًا: "حلو اوى #حوار_السيركل الجديد انا كنت مستني عشان الخصوصية كنت دايما باقول ليه تويتر مش بتقلد الفيس بوك وانستا وحاجات تانية كتير زى (كلوز فريندز) الحمد لله تويتر عملت حوار السيركل بس انا مش هاعمله تدروا ليش ؟ لأنكم أهلى وعارفين عنى دبة النملة انا داخل سوشال ميديا مش ثيرابست"
أما رباب صبري حسن فقالت "حوار السيركل ده زي البلوك كده بس بشياكة ورقي يعني انا مش عاملة لك بلوك بس مش هتشوف التويتات بتاعتي"
وقال عبد الله خيري "حوار السيركل دا جامد ونفسي اعمل سيركل زي الناس دي كلها بس موضوع اني اختار اضيف مين طلع حوار طويل"
أما نسيبة البنا فقالت: "عارفين حوار السيركل ده هيقلل خناقات تويتر جدا، معظم المشاكل اصلا كانت بتيجي بسبب اختلاف الطبقات الاجتماعية هنا، بس لما كل مجتمع يختلي بنفسه، المشاكل هتقل كتير"

تويتر الطبقي

ورد تركي قائلًا: "كدا كدا الناس عمالة تنعزل وتعمل اكونتات برايفت واكونتات فيك واكونتات فيك برايفت الخ... حوار السيركل دا هيسهل العملية دي وهيسرعها بس شئ مؤسف انك تشوف الانترنت بيتحول واحدة واحدة لجروبات هتستقل بنفسها قريب"
وأضاف أحمد فرحات "فكرة الـ Circles دي بتضرب فكرة مواقع التواصل من أساسها، ان الناس تبقى جزر منعزلة على موقع مفتوح فكرة مش سليمة، وكدة كدة لو مجموعة عايزين يتكلموا لوحدهم بيعملوا جروب واتس آب أو DM، فهو الموضوع عجيب بالنسبالي ومش هفكر استخدمه."

تويتر يطلق خاصية جديدة تتيح التحكم بالخصوصيّة

ماسك يسعى لتأجيل نظر قضية تويتر بعد الحصول على سلاح جديد يدعم موقفه

وقالت ياسمين حامد "حوار السيركل ده مش عاجبني. الحلو في تويتر بالنسبة لي اني بتكشف فيه الناس وبتعلم حاجة طول ما بتفرج عليهم. كده تويتر هيبقي طبقي وهيفقد ميزته كبلاتفورم".