مرتضى منصور: أنا فخر ورمز لجماهير الزمالك.. وإحنا الاتنين لايقين على بعض
قال المستشار مرتضى منصور، رئيس نادي الزمالك: "زي ما أنا فخر لجماهير الزمالك إحنا الاتنين لايقين على بعض، وأنا الرمز والأب لكل جماهير الزمالك، وكل أمهات جماهير الزمالك فوق دماغي من فوق".
صفقات نادي الزمالك
وأضاف خلال مداخلة هاتفية ببرنامج "زملكاوي" المذاع على قناة "الزمالك": "كنت عامل حسابي في 11 لاعبًا ضمن صفقات الموسم الجديد، ولما لقينا شباب زي الفل والراجل فيريرا قال عايز الناشئين في الموسم اللي جاي فإزاي أنا أجيب صفقات ليهم وهما يقعدوا.. علشان كده الصفقات قلت حفاظًا ودعمًا للاعبين الصاعدين اللى أقنعوا المدرب والجماهير وحصلوا على الدوري".
وتابع: "اللى بتحلموا بيه وأكتر في الصفقات حنجيبها لنادي الزمالك، ونحقق أحلامكم يا جماهير الزمالك، وصفقتي أيمن منصور وزكريا الوردي جبناهم مجانًا".
رسالة لجماهير نادي الزمالك
واستطرد: "استأذن الأخوة الزملكاوية انسوا الصفقات دي عملية جراحية دقيقة بتتعمل في أوضة العمليات ومش عايزين نعلن عن أي أسماء علشان الأندية متغاليش في الأسعار لكن كل رؤساء الأندية أصحابي وحبايبي".
الحفاظ على أموال الزمالك
واختتم: "مجلس إدارة نادي الزمالك كله ميعرفش حاجة عن الصفقات لأننا بنحافظ على لاعيبتنا وأموال النادي".
