الكلام على مين.. اعرفوه لو كنتم شاطرين
بتحط نفسك فى مواقف بايخه
والسوشيال ميديا وراك دايخه
وأخيرا طالع تهددنا بالسلاح
وريحة المكايده منك فايحه
نجيبك يمين تجيلنا شمال
ما بلاش يا عمنا شغل العيال
دا ربنا كرمك بحجات كتير
وانت مصمم توصل للكمال
النجومية فن مش عن عن
وانت شايف نفسك نمبر ون
مش كل ترند هياخدك لفوق
دا هيجيبك تحت فى أغلب الظن
عمال تمارس علينا العنتريه
ورايح تجيبلنا دكتوراة فخريه
ترمى الفلوس فى البيسين
وكل شويه مرفوعه عليك قضيه
انت عايز من الدنيا إيه
مع إن ربنا كرمك بالنجوميه
أظبط نفسك يا صاحبى
يالى دماغك بقت مهلبيه
