عمرو أديب للمواطنين: امسكوا إيديكم اللي جاي أصعب

قال الإعلامي عمرو أديب خلال تقديمه برنامج “الحكاية” المذاع على فضائية إم بي سي مصر:" أنا عايز أقول الكام شهر اللي جايين أصعب وأصعب ولما بقول لكم حاجة بتحصل، ونحن في مشكلة كبيرة خد بالك وامسك إيدك الأيام الجاية صعبة من أصعب ما يمكن وكل واحد يصرف على قد اللي محتاجه، لو تقدر تصرف عشرة فهما يادوبك عشرة لا أكثر .. الاستكفاء والاستبدال هم الحل الآن".  

وعلق الإعلامي عمرو أديب على الصور المتداولة لعدد من المواطنين أثناء شراء فلل وشاليهات في الساحل بمبالغ تفوق الـ 120 مليون جنيه، قائلا:" فيه تسخين بين الناس اللي ساكنة في الساحل والناس اللي مش متواجدة في الساحل، وتصعيد طبقي داخل الساحل نفسه بتقسيمه إلى قسمين الساحل الطيب والساحل الشرير، ولو عايز تنظر بعمق وبصراحة، الناس توقفت عند إنه فيه مشروع نازل لفيلات وتباع به الفيلا بـ 120 مليون جنيه، والناس سألت إزاي السعر ده؟".

وتابع خلال تقديمه برنامج “الحكاية” المذاع على فضائية إم بي سي مصر: أنا عايز حضراتكم وليس دفاعا الناس حرة اللي عايزي يشتري يشتري ولكن عايز أقول لكم الناس دي اشتريت ليه، فهذا الأمر مشروع جديد لإعمار ولديها أسعار مثل هذه الأسعار بنفس الأسعار وهذه الأسعار ليست جديدة".

واستكمل:"وعايز أقول لكم إنه اللي اشترى ده عنده أكثر من فيلا في الساحل وهو اشترى وعارف إنه هناك 3 أو 4 أسماء في الساحل اللي بتشتري بها هذا العام بتزيد العام التالي، والتسليم بعد أربع سنوات وعلى ما المجتمع ده يزدهر ويكون صالح للسكن قدامه ست سنوات فاللي مش شاري مش شاري عشان يسكن دلوقتي إطلاقا، وكثير ممن اشتروا في هذا المشروع وغيره هم من دول عربية شقيقة وهذا أمر أنا سعيد به جدا، فالعالم العربي عرف الساحل، ونحن نرحب بإخوانا في الدول العربية ".