عايز حقي.. حسام حسن يوجه رسالة للسيسي بسبب أحداث مباراة الأهلي والمصري
قال الكابتن حسام حسن، المدير الفني لنادي المصري البورسعيدي: "الأهلي مش طرف في الأخطاء اللي حصلت في مباراتنا، وكنا أقرب للفوز أو التعادل على الأقل".
فساد منظومة الكرة
وتابع خلال مداخلة هاتفية ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "إحنا مش هنعمل مؤتمرات صحفية بعد خطأ تحكيمي، والمنظومة في مصر لا ينصلح حالها في ظل كم الفساد الموجود في الرياضة المصرية".
تهديد حكم مساعد مباراة الأهلي والمصري
وأضاف: "مساعد الحكم هددني على الخط، وقاللي مش هسيبك وهبطلك كورة، وأنا هاخد حقي إزاي؟ ومش مصدق أن الحكم المساعد بيقولي هبطلك كورة ومش هسيبك؟ فيه حاجة اسمها كرامة ووسام الجمهورية اللي أخدته سنة 90 و98،أديت لبلدي واجتهدت في حياتي واتكسرت واتعورت حبًّا في البلد وفيه واحد في المنظومة قلل مني وأنا مش مقتنع أن وزير الرياضة ولا رئيس اتحاد الكرة هيديني حقي".
مطالب الجماهير
ولفت: "بقول للناس المسئولة عن منظومة الكرة احتراموا الرأي العام اللي ماشي في الشارع اللي كانوا نفسهم نمسك المنتخب".
رسالة نارية من حسام حسن
وتابع: "أنا عايز حقي من الاحترام.. فيه حكم مساعد في مباراة الأهلي غلط فيا، وأنا اتهنت يا ريس وعايز حقي، ومش بتكلم على بنالتي أو هدف ملغى لو الماتش حتى يولع أنا كرامتي اتهانت يا نهار أسود.. أنا ممكن السنة اللي جاية أسيب البلد خالص ومش هقعد فيها".
وفاز النادي الأهلي على المصري البورسعيدي بهدفين دون رد على ملعب برج العرب بالإسكندرية ضمن منافسات الجولة 30 من بطولة الدوري الممتاز للموسم الحالي 2021-2022.
وسجل رامي ربيعة قائد الأهلي الهدف الأول في الدقيقة 80 من ركلة جزاء حصل عليها البديل حسام حسن بعد الرجوع لتقنية حكم الفيديو.
وسجل حسام حسن الهدف الثاني في الدقيقة 96 من انفراد تام.
الفوز رفع رصيد الأهلي إلى 62 نقطة في المركز الثالث، فيما تجمد رصيد المصري بقيادة حسن حسن المدير الفني عند 33 نقطة في المركز الحادي عشر.
