الكلام على مين.. اعرفوه لو كنتم شاطرين
![حسن شاهين](images/no.jpg)
جابوك لنا من البرتغال
وقالوا عنك خبير فى المجال
وما شوفنا منك أى انتصارات
والأهلى معاك فى أسوأ الأحوال
فى 8 مبارايات اتهزمت مرتين
ومن بعدهم اتعادلت مرتين
طب لما دا يحصل فى أول شهر
تقدر تقولى هتجبلنا الدورى منين؟
الأهلى معاك سداح مداح
واللاعيبه آخر مزاج وانشراح
نصهم بيتعالج من الإصابات
والنص التانى بيحيى الأفراح
الفرص بتضيع مع إنها مضمونه
وكل الأخطاء مكرره بالكربونه
الأهلى معاك أصبح بيدافع
بعد ما كانت أهدافه بالكرتونه
ملكش لون ولا طعم ولا ريحه
وحكايتك معانا مبقتش مُريحه
بيراميدز والزمالك هزمونا
وانت لسه بتظبط التسريحه
![](/Upload/libfiles/415/3/619.jpg)