والد الثانية على الجمهورية بالثانوية: أنا فخور بابنتي قبل وبعد النتيجة
قال والد ساندي معاذ الثانية على الجمهورية في الثانوية العامة الشعبة الأدبية 2022: إنه كان يتوقع تفوق ابنته وحصولها على هذا المجموع، معبرًا عن فخره بها من قبل ظهور النتيجة ولكن زاد هذا الفخر بعد ظهورها.
الثاني على الجمهورية أدبي
وأضاف: “قلت لبنتي امبارح أنا فخور بيكي تحت أي ظروف.. لإنها لم تقصر وعملت كل اللي تقدر عليه بالرغم من الظروف المحيطة بينا.. لأننا كنا مقيمين بالخارج لمدة سنتين لمأمورية عمل وهي رجعت من الخارج علي الثانوية العامة مباشرة فبذلت أقصى مجهود لمحاولة التعود على نظام التعليم الحالي وكافحت عشان المجموع ده”.
وتابع: طبعا الحمدلله أنا في حالة مش قادر اوصفها وطايرين من الفرحة طبعا انا كنت في شغلي ووالدتها كلمتني في ثواني رجعت البيت وقالتلي المجموع.. أنا حقيقي في قمة سعادتي".
واستطرد: “لم نلتق مكالمة من الوزير حتي الآن بس أكيد لازم هيتواصلوا معانا.. كل الأوائل بيحصل معاهم كده.. وهي عرفت النتيجة من مدرس التاريخ بتاعها كان أول شخص كلمها وعرفها النتيجة ومعرفناش من المؤتمر”.
واختتم: “مفيش في دماغنا كلية معينة.. طبعا بيكون في احلام بس احنا اتعودنا اننا نقعد ونحسب كل حاجة صح.. دلوقتي الموضوع مختلف هي في ايديها تختار.. هنقعد ونختار ونشوف الأصلح ليها ونقرر.. لكن حتي لو كان في هدف في دماغها بتحاول توصله لكلية معينة.. احنا هدفنا كان المجموع ووصلناله وحاليا هنختار الكلية الأصلح ليها”.
أوائل الثانوية العامة 2022
وأعلن الدكتور طارق شوقي وزير التربية والتعليم والتعليم الفني، أسماء أوائل الثانوية العامة 2022 للشُعب الثلاثة، شعبة علمي رياضة والشعبة الأدبية وعلمي علوم والطلاب المتفوقين وطلاب المكفوفين.
تنسيق الجامعات 2022
وتطلق بوابة فيتو أكبر تغطية لكافة الأخبار المتعلقة بـ تنسيق الجامعات 2022 والشروط الخاصة للالتحاق بالجامعات "الحكومية، الخاصة، الأهلية، التكنولوجية، الدولية، جامعات بقانون خاص، جامعات باتفاقيات دولية والمعاهد العليا".
وتشمل التغطية أيضًا شروط اختبارات القدرات للالتحاق بكليات "الإعلام والتربية الرياضية والتمريض والتربية الفنية والتربية النوعية والتربية الموسيقية والفنون الجميلة والفنون التطبيقية"، إلى جانب كيفية تسجيل الرغبات على موقع تنسيق الجامعات 2022 بالترتيب الصحيح والسليم.
وتضم تغطية تنسيق الجامعات 2022 على بوابة فيتو وصفحاتها الرسمية على السوشيال ميديا ترشيح الجامعات الخاصة والأهلية المناسبة لقدرات الطلاب المالية ومجموعهم في الثانوية العامة إلى جانب أهم البرامج الدراسية.
