ميدو يفتح النار على أحمد مجاهد: ليه كل تركيزك محاربة الكرة المصرية | فيديو
فتح أحمد حسام ميدو النار على أحمد مجاهد رئيس اتحاد الكرة المصري السابق، بسبب افتعاله لأزمات تورط اتحاد الكرة المصري الحالي برئاسة جمال علام.
وقال ميدو خلال برنامج الريمونتادا على قناة المحور: “الكرة المصرية هي اللي عملت أحمد مجاهد، وأنت بتشتغل دلوقتي في الاتحاد الأفريقي ومعاك منصب بتقبض منه كويس، ليه عايز تفتعل الأزمات ومركز إنك تحارب الكورة المصرية”.
وأضاف: “ليه عايز الناس كلها تبقى زيك، ونفسي أعرف مين اللي وراك، متابعا: “لازم اتحاد الكرة الحالي يرد على الناس اللي بتحاربه، ولازم يبقى ليكوا وقفة قدام أحمد مجاهد اللي عايز يحارب الكورة المصرية، ويفتعل أزمات فيها”.
واختتم “ميدو”:”مجاهد اتحط في نفس الموقف وسموحة طلب المشاركة في الكونفدرالية في عهده واتحاد الكرة قاله دي مش قصتنا، ومجاهد رد قالهم روحوا اشتكوا في الاتحاد الأفريقي ليه عايز كل الناس تبقى زيك”.
أحمد مجاهد
وتواجد أحمد مجاهد رئيس اتحاد الكرة السابق في عهد اللجنة الثلاثية، في مقصورة نادي ضمك، بمدينة أبها السعودية، لحضور مباراة منتخب مصر للشباب أمام نظيره الصومالي، المقامة الآن ضمن مواجهات الجولة الثانية ببطولة كاس العرب للشباب تحت 20 سنة.
وتواجد في المقوصرة أيضا الدكتور رجاء السلمي الأمين العام للاتحاد العربي لكرة القدم، كما تواجد اللواء حلمي مشهور عضو اتحاد الكرة المصري رئيس بعثة منتخب الشباب المشارك في البطولة.
