عمرو أديب: قدامي سنة بالكتير وأعتزل الإعلام

أعرب الإعلامي عمرو أديب، عن استيائه من عدم إعطاء فرصة للشباب في الإعلام خاصة في مجال تقديم البرامج التليفزيونية.
 

صاحب الفضل على عمرو أديب

ونعى عمرو أديب خلال برنامج "الحكاية" المذاع على قناة "إم بي سي مصر"، المخرجَ عبد الله باجسير الذي وافته المنية أمس الأول، قائلًا: "أعزي عائلته وأصدقاءه، وأنا من تلاميذه وفضله على رأسي يفضل العمر كله، وعلمني كل حاجة وأعطاني فرصة، وأنا بقول للناس اعطوا فرصة للشباب، ومفيش حاجة اسمها فرصة 3 أو 4 شهور للإعلامية".

موعد اعتزال عمرو أديب 

وأكد: "أنا لحد دلوقتي بغلط واتلخبط وبقول حاجات غلط وبعمل مشاكل ومش عبقري أوي يعني، وبقيلي سنة بالكتير وأبطل إعلام.. ده لو كملتها كمان، وفيه حد استثمر فيا وقت ومجهود وفلوس وبشكر الله يرحمه عبد الله باجسير وبشكر أوربت اللى كان ليها فضل عليا".

عمرو أديب يوجه رسالة قوية لـ فريد الديب: راجع نفسك شوية

مرتضى منصور يوجه رسالة قوية لـ عمرو أديب: "الغل واكل قلبك.. لِمّ نفسك" | فيديو

ووجَّه الإعلامي عمرو أديب، في نفس البرنامج، رسالة قوية للمحامي فريد الديب، وذلك بعدما أعلن دفاعه عن المتهم بقتل طالبة جامعة المنصورة نيرة أشرف.

تاريخ فريد الديب

وقال عمرو أديب خلال برنامج “الحكاية” المذاع على قناة “mbc مصر”: "فريد الديب المحامي الكبير اللى اسمه موجود في تاريخ القانون بصراحة أنا مش فاهم هذا الحماس اللى عندك في الترافع عن المتهم بقتل نيرة أشرف".

دفاع فريد الديب

وتابع: "انت ليه عايز تترافع عن المتهم، ده انت شُفته وهو بيقتل وينحر واعترافه بقتل نيرة أشرف".

مجد فريد الديب

وأضاف: "أنا لا أنفي توافر محام لأي متهم في أي قضية إنما فريد الديب لماذا تدافع عن المتهم بقتل نيرة أشرف؟ هل أنت لا تزال تبحث عن مجد؟ أنت حققت كل المجد وأخدت في حياتك قضايا غريبة ودافعت عن جاسوس إسرائيلي".

استفزاز فريد الديب

وأكمل: "ليه يا أستاذ فريد الديب؟! لا هي مجد ولا قيمة مادية وانت لا تحتاج إلى قيمة مادية، إيه الفكرة؟، إحساسي اتأذى وحسيت باستفزاز للناس، وبناشدك لو سمحت متاخدش القضية ومتعطهاش وزن، لما يبتدي فريد الديب في المحكمة بيحاول يهز قناعات، انت ليه عايز تهز قناعات معينة، ليه عايز تخفف الحكم على المتهم؟، ولو انت جيبتله إعدام يبقى أنا زيي زيك، انت تعرف مدى حبي ليك.. إنما ليه تترافع عن المتهم بقتل نيرة اشرف؟!، هل هي رياضة فكرية ولو كانت أعملها في كتاب يا أخي".

تحقيق الشهرة

واستطرد: "انت لست محامي شهرة ولست بحاجة إليها، لماذا تصر على أن تعطى ثقلًا للمتهم وتهز قناعات المحكمة.. انت مش محتاج أتعاب، راجع نفسك شوية وقول لهم ربنا معاه وهو العدل ولو الولد ليه أي شيء، العدل فوق".

وتابع: "أنا متضايق ومش فاهم ومحتار من دفاع فريد الديب عن المتهم بقتل نيرة اشرف، أن نبدأ في تفسير البشاعة أمر بشع".