ابنة حسن أبو السعود عن سخرية شيرين من والدها: مش عارفين نزعل منها ولا نشكرها | فيديو
ردَّت رنا حسن أبو السعود، ابنة الموسيقار الراحل حسن أبو السعود، على سخرية الفنانة شيرين عبد الوهاب من والدها.
زاوية أخرى لتصريح شيرين
وقالت رنا خلال مداخلة هاتفية ببرنامج "تقدر مع الغيطي" الذي يقدمه الإعلامي محمد الغيطي بقناة "الشمس": "أنا شوفت تصريح شيرين عبد الوهاب الساخر من والدي من زاوية تانية خالص، شوفت أن ربنا عايز يوصل لبابا دعوات ورحمات وأجر ورحمة زيادة، وخلى شيرين تقول كده علشان الدنيا تتقلب".
حب الناس لحسن أبو السعود
وتابعت: "مش عارفين نزعل من شيرين ولا نشكرها، والدنيا اتقلبت بعد تصريحها، وكم دفاع رهيب من البشر بشكل مش طبيعي عن والدي، وربنا بيحبه أن سيرته تيجي والناس تدعيله".
كلمة شيرين الجارحة
وأضافت: "ربنا يعين شيرين على ظروفها، وأنا مش زعلانة منها واحد في المائة، اتأثرت من الكلمة واتجرحت لكني حسيت بظروفها".
رسالة لشيرين عبد الوهاب
وأكملت: "أحب أقول لشيرين عبد الوهاب وحشتنا أغانيكي التحفة اللى بنفرفش عليها وبنتمزك عليها بصوتك الحلو، وابسطينا زي زمان، وعدي الظروف دي، وظبطي الدنيا زي زمان".
وأثارت الفنانة شيرين عبد الوهاب استياء محبيها بتصريحاتها الصادمة عن الموسيقار الراحل حسن أبو السعود من خلال مداخلة هاتفية في برنامج "كلمة أخيرة" والذي تقدمه الإعلامية لميس الحديدي، والتي قالت فيها: "أنا كنت زي البدر.. ولما عاشرته بقيت شبه حسن أبو السعود".
وكشفت رنا ابنة الموسيقار حسن أبو السعود عن حقيقة تقاضي أسرة الموسيقار الراحل لشيرين عبد الوهاب بعد تصريحاتها المثيرة للجدل.
وقالت "رنا" في تصريح خاص لـ"فيتو": "ما اعتقدتش لأ مش أخلاقنا بس أنا عن نفسي مش هقاضيها ولكن بصراحة لسه ماعرفش أختي هتعمل إيه؟".
واعتذرت شيرين عبد الوهاب، في تصريح خاص لـ"فيتو"، لجمهورها ولأسرة الموسيقار الراحل، قائلة: "مستحيل أشمت فى الموت، الموسيقار حسن أبو السعود على رأسي من فوق".
