نسمة محجوب لمنتقدي غنائها مع كورال شيكاغو: المفترض احنا اللي بنجري وراهم
![الفنانة نسمة محجوب](images/no.jpg)
كشفت الفنانة نسمة محجوب، سر تعاونها مع كورال شيكاغو للأطفال، وقالت: "تعرفت على فريق شيكاغو من خلال صديق وتلميذ لي اسمه محمد أباظة".
كورال شيكاغو
وأضافت خلال لقائها ببرنامج "معكم" الذي تقدمه الإعلامية منى الشاذلي بقناة "سي بي سي": "كورال شيكاغو للأطفال اعتاد عند كل رحلة لأي بلد اختيار فنان منها وعمل حفلة، وخلال زيارتهم لمصر رئيسة الكورال بعد سماعها لصوتي رحبت بأن أغني معهم في مصر وكنت سعيدة إني أخوض التجربة، وكان هناك بروفات وتدريب مع الفريق عن طريق الزووم".
غناء كورال شيكاغو بالعربية
وتابعت: "كورال شيكاغو للأطفال معاهم شخص بيصلح معاهم نطق بعض الجملة العربية وهما كانوا بيسمعوا ويرددوا، وهما فريق في مستوى عالٍ جدًّا ومحترفين جدًّا".
وأكملت: "حصل كيميا بينا وكنت بقول الجملة واغنيها باللحن وهما كانوا شغالين ورايا واتعلموا بعد مذاكرة امتدت لشهرين وعملوا مجهود شاق جدًّا".
الهجوم على كوال شيكاغو
واستطردت: "غناء كورال شيكاغو بالعربي يدعونا للفخر، واتضايقت من هجوم الناس عليهم لما غنوا بالعربية، دول في الأصل أمريكا وبيغنوا اللهجة بتاعتنا المفترض احنا اللى بنجري ونقلد ونقول عاوزين نغني انجليزي ونعمل زيهم وهما لما يجيوا من برة ويقررا يغنوا بالعربية وأول معاملة ياخدوها تقوموا ضاربينهم بالقلم علي وشهم ده يمنفعش دول أمريكا وبيغنوا حاجتنا".