"أول ما سمعها قال بتاعتي".. كواليس وأسرار أغنية وزير السعادة لـ عمرو دياب
طرح الفنان عمرو دياب «ميجا ميكس» مكون من 3 أغنيات عبر أحد التطبيقات الموسيقية الشهيرة، والأغاني الثلاثة هي ناس حلوة، ب وح وب وك، ووزير السعادة.
أحمد زعيم
وكشف الملحن أحمد زعيم تفاصيل أغنية "وزير السعادة" التي كانت من ضمن "الميجا مكس" الذي طرحه عمرو دياب، قائلا:" الكواليس بدأت زي أي كواليس أغنية الشاعر بيكتب الكلمات وبيبعتها للملحن ودا اللي حصل هاني رجب كلمني في التليفون وقالي أنا كاتب كلمات حلوة جدا وأنا شايفها للهضبة وبعتلي الكلام والعنوان خطفني حسيت أنه لقب يليق على عمرو دياب بصراحة فـبدأت في تلحين الأغنية وطلع كويس جدا وكلمت الموزع وسام عبد المنعم وقالي لازم الهضبة يغنيها".
وأضاف لـ "فيتو":" اشتغلنا عليها وكل دا كان في يوم وبعد ما خلصانها بعتناها للهضبة وقت الفجر بمجرد ما سمعها قال بتاعتي و الحمدالله الأغنيىة نزلت بشكل ريمكس محطوطة وسط أغنيتين معاها والحمد الله وزير السعادة كانت لافتة نظر الناس وهي لسه ليها شكل تاني هينزل بشكل "سينجل" لوحدها بالتوزيع اللي اشتغلوا وسام عبد المنعم في وقت تاني.
و أكمل أحمد زعيم:" أنا ماكنش اعرف أن الأغنية هتنزل ضمن الميجا مكس وعرفت قبلها بيوم، عرفت أني في فكرة جديدة عمالها الهضبة فيها أغاني الصيف كلها اللي كلمتها فيها المود الحلو وأنا كنت فاكر أن الأغنية هتنزل عادي ولكن دايما الهضبة يفاجئنا.
وفي سياق أخر أحيا النجم عمرو دياب حفلا غنائيا ضخما، أمس الثلاثاء، بمدينة العلمين الجديدة وسط حضور جماهيري كبير.
