"بعد ظهورهما سويا مع ابنهما"..حقيقة عودة ساندي إلي طليقها
نفت المطربة ساندي عودتها إلي طليقها ووالد نجلها "راين" بعد ظهورهما سويا برفقة ابنهما وذلك من خلال خاصية "إستوري" عبر حسابها الشخصي علي موقع تبادل الصور والفيديوهات "إنستجرام".
ساندي
وقالت "ساندي" من خلال الفيديو التي نشرته:" مساء الخير من إمبارح للنهاردة جاتلي كمية رسائل كتيرة بيباركولي فيها الناس ويسألوني هو أنا وأبو ابني رجعنا بقولكوا لا يا جماعة مرجعناش ومش معنى أننا بنخرج راين مع بعض وأننا كويسين مع بعض يبقي أحنا رجعنا !! ومش معني أني أحنا منفصلين يبقي بنكرة بعض وأننا منجحناش مع بعض مش لازم نجرجر بعض في المحاكم ده مش وضع طبيعي، الوضع الطبيعي إننا نكون كويسين مع بعض ونعامل بعض بالحسنى لأننا عشنا مع بعض وأكلنا عيش وملح وده طبيعي اللي مش طبيعي اللي الناس بتفكر فيه دلوقتي.
وفي وقت سابق تحدثت ساندي عن كواليس أغنيتها الجديدة “صحاب زمان” مع ريشا كوستا وسمارة لـ"فيتو"، قائلة: "أنا سبت الموضوع كله لريشا وسمارة وقلت لهم شوفوا أنتم عاوزين إيه، وسبت لهم حرية شكل المزيكا".
و تحدثت ساندي عن أزمتها مع روبي بسبب تسريب أغنيتها "في اللا للا" قبل طرحها بشكل رسمي قائلة: "أنا مابقتش أحب أتكلم في مشاكل بس يمكن كان سوء تفاهم والأغنية مش مقصود تسريبها وحتى لو نزلت بصوت روبي دي حاجة مزعلتنيش بالعكس، ودي أغنية من ضمن أغانيا".
وأكدت ساندي أنها تحب طرح أعمالها بطريقة السينجل وليس طرح ألبوم كاملا.. “طريقة السينجل ألطف بكتير من الألبوم لأن الألبوم بياخد وقت ومجهود وبتضيع السنة كلها وفي الآخر بيتسمع منه أغنيتين بس”.
