أهلاوية ولا زملكاوية.. رد حاسم من سيمون على انتمائها الكروي
ردت الفنانة سيمون، علي سؤال الإعلامي يوسف الحسيني، بخصوص انتمائها الكروي للنادي الأهلي أم نادي الزمالك.
تشجيع الفنانة سيمون الكروي
وقالت سيمون خلال لقائها ببرنامج “التاسعة” الذي يقدمه الإعلامي يوسف الحسيني بالتليفزيون المصري:"أنا مصرية وبشجع مصر من زمان، وبشجع نادي بعينه بس مش هاقول بشجع مين، وأنا من فترة طويلة أدركت إن مينفعش أقول أنا أهلاوية ولا زملكاوية علشان لقيت الموضوع بقى بيفرق مع الناس ".
التعصب الكروي
وتابعت: "مبحبش الناس تتخانق على تشجيع نادي، أنا بتفرج علي أصحابي لما بيتفرجوا علي الأهلي والزمالك فلاقيهم دايما التعصب بيخليهم يخرجوا عن شعورهم ".
اختلاف الآراء ووجهات النظر
وأكملت:"أنا ضد التعصب واختلاف الأراء ووجهات النظر أمر صحى وطبيعي لكن بدون تعصب".
وقالت الفنانة سيمون، في نفس اللقاء: "أعظم حاجة في حياتي إن بدايتي كانت مع سيدة الشاشة العربية فاتن حمامة من خلال فيلم "يوم مر ويوم حلو".
أفكار فاتن حمامة
وتابعت: "فاتن حمامة ربت جوايا افكار لسه عايشة بيها لحد هذه اللحظة أنا ملتفتش للناس بتقول عليَّ إيه ومخليش فيه أي حاجة تعطلني".
رغبة فاتن حمامة
وأضافت: "فاتن حمامة كانت عايزاني أبقى هايلة وأعمل المشهد قدامها مظبوط وكانت بتوجهني بحب ولذاذة وبتاخد بالها من كل التفاصيل بتاعت الناس".
فيلم آيس كريم في جليم
ولفتت: "في فيلم "آيس كريم في جليم" كنت المفترض مرشحة لدور جيهان فاضل بس أنا اللي اخترت الدور الثاني وصممت عليه، وبعد الفيلم قررت أن آرائي هي اللي أعملها".
غناء سيمون
وتابع: "لو رجع بيَّ الزمن هكون مصرة إني أرجع أغني أكتر في فيلم “آيس كريم في جليم” لأني ماخدتش فرصتي في الغناء بالفيلم وكنت متحجمة".
