علي ماهر: بحب الأهلي لكن بحب نفسي أكتر.. ومفيش حاجة اسمها هلعب قدامهم بالناشئين
قال الكابتن علي ماهر، المدير الفني لنادي فيوتشر: "مفيش حاجة بعيدة عن ربنا أني أدرَّب النادي الأهلي لأنه بيتي ولكن أنا مبسوط في المكان اللي أنا فيه دلوقتي".
ولادة فيوتشر
وأضاف خلال مداخلة هاتفية ببرنامج "اللعيب" الذي يقدمه الإعلامي مهيب عبد الهادي بقناة "إم بي سي مصر": "فيوتشر اتولد كبير والكل تعب جدًّا علشان نوصل أننا نكسب بطولة كأس الرابطة".
مكافأة نادي فيوتشر
وتابع: "كأس الرابطة مكافأة من ربنا على تعبنا وجهدنا، أنا بحب النادي الأهلي بس بحب نفسي أكتر وعندي طموحات ومفيش حاجة اسمها هلعب قدام الأهلي بالناشئين، وفيه تدريب للفريق أول يوم العيد مفيش راحة للاستعداد القوي للأهلي".
بطولة الكونفدرالية
ولفت: "أنا هشارك بطولة الكونفدرالية ومش هينفع أفرط في أي لاعب الموسم الجاي، وأحمد عاطف وعمر كمال عبد الواحد مكملين معايا الموسم اللي جاي".
وتُوج فيوتشر بلقب كأس الرابطة 2022 بعد فوزه الكبير على غزل المحلة 5-1 في نهائي كأس الرابطة في المباراة التي جمعتهما بإستاد القاهرة الدولي.
وحضر مباراة نهائي كأس الرابطة الدكتور أشرف صبحي وزير الشباب والرياضة، وجمال علام رئيس اتحاد الكرة، وأحمد دياب رئيس رابطة الأندية المحترفة، وأعضاء اللجنة.
أهداف فيوتشر وغزل المحلة
تقدم كريم نيدفيد بالهدف الأول في الدقيقة 33 لصالح فيوتشر ثم أضاف سعد سمير الهدف الثاني في الدقيقة 36، وذلك بعدما عاد حكم المباراة لتقنية الفار عقب عدم احتساب الهدف في البداية.
ثم أحمد عاطف الهدف الثالث لفيوتشر أمام غزل المحلة بالدقيقة 60، وعزز محمد فاروق تقدم فريقه بالهدف الرابع بالدقيقة 65، ثم اختتم مروان محسن أهداف فيوتشر بالهدف الخامس بالدقيقة 79.
فيما أحرز يحيى حامد هدف غزل المحلة في الدقيقة 90 من عمر اللقاء لينتهي اللقاء بفوز فيوتشر 5-1.
