الشحات مبروك: خسيت ٨ كيلو في قعدة ساونا واحدة | فيديو
قال الشحات مبروك بطل العالم السابق في كمال الأجسام: "الرياضة ينبع منها صفاء النفس وصحة العقل والبدن والتصرفات والحوار مع الناس وطول البال والصبر وده ينعكس على الشكل في العمر وفي الجسم".
السر في صغر السن
وأضاف خلال لقائه ببرنامج "كلام الناس" المذاع علي قناة "إم بي سي مصر": "التصالح مع النفس مهم جدًّا من الناحية الإنسانية وده بيخلي الإنسان يظهر أصغر في السن وما يكبرش".
تخسيس الشحات مبروك
وتابع: "دخلت ساونا 5 ساعات علشان أخس 8 كيلو وفعلًا خسيت من جلسة واحدة، وما حصلش إني دُخت ولا جالي إغماء ودا يحصل لو أنا واخد منشطات تنزل المياه ولكن اللي بيحصل إن ضربات القلب بتقل، وده بكون واخد بالي منه وبتحرك بالراحة علشان ما أقعش وأموت".
تحدي الشحات مبروك
وأكمل: "قررت إني أطلع الأول في بطولة العالم يا أموت".
وقال الشحات مبروك بطل العالم في كمال الأجسام السابق، في نفس اللقاء: "أنا مش منفسن من بيج رامي بس هو فاز مستر أولمبيا بالمنشطات".
منافسة مستر أولمبيا
وتابع خلال لقائه ببرنامج "كلام الناس" المذاع على قناة "إم بي سي مصر":"مستر أولمبيا مش خاضعة للمنشطات، وراضي أو غيره مش هيقدر انه ميخدش منشطات لان المنافسة شرسة جدا والمشارك في البطولة مش هيجد أمامه سبيل إلا انه ياخد منشطات".
منشطات بيج رامي
ولفت: "مش كل اللي خد منشطات بيعمل عضلات، اللي مبيعملش عضلات من غير منشطات مش هيعمل عضلات بالمنشطات، وبيج رامي عنده موهبة عالية جدًّا في كمال الأجسام والمنشطات بتلعب دورها معاه في المنافسة الشرسة في مستر أولمبيا".
