هاشتاج إنترنت غير محدود في مصر يتصدر تويتر
دشن نشطاء مواقع التواصل الاجتماعي تويتر هاشتاج جديد بعنوان #انترنت_غير_محدود_في_مصر والذي تصدر قائمة الهاشتاجات الأكثر تداولًا في مصر للمطالبة بإلغاء تقييد سعات تحميل الإنترنت وشكاوى من انتهائها قبل موعدها.
وقال محمود، "حسبنا الله ونعم الوكيل في ظلم هذه الشركات للشعب المصري.. الإنترنت بقى شيء أساسي زي الكهرباء والمياه في حياتنا، الإنترنت مش ترفيهي، فيه شغل ومستقبل ناس عليه يوميًّا".
وكتب عاطف خلف، "شركات الاتصالات مع محدودية النت لأنه مكسب ضخم ليها.. تعرف تصرف ع الإعلانات وع الموظفين وع الأبراج وخلافه.. يبقى لازم تتدخل جهة محايدة كمجلس النواب أو مجموعة محامين واللجوء إلى القضاء مع الاعتماد على الاستهلاك العالمي للنت ومنظومة الدول الأخرى".
وكتب أبو جمال: “طول ما شركات النت في مصر عارفة إننا مش هنقاطع ولا حد هيعرف يعمل حاجة.. ببساطة أنت ولا أنا ولا احنا كلنا هنقدر نقفل النت لأنه بقى إدمان. شركات النت بقت عارفة كدا فتسقع ودنها من أي هاشتاج زي ده”.
