تامر حسين يهاجم حسن شاكوش: جاهل بالمعلومة
هاجم الشاعر تامر حسين عبر حسابه الشخصي على موقع التواصل الاجتماعي "فيس بوك" مؤدي المهرجانات حسن شاكوش، وذلك بعد تصريحاته مع الإعلامي عمرو أديب عن أزمة مهرجان "بنت الجيران" وسرقة لحن أغنية "حاجة مستخبية" للنجم محمد حماقي.
الشاعر تامر حسين
وكتب تامر حسين قائلا: "تصريحات غير موفقة من الناحية الأدبية وذوقيات المهنة والجهل بالمعلومة والتدليس.. اللي بيعمله للمُشاهد اللي ميعرفش حقيقة لحن بنت الجيران.. اللي من ألحان ملحن شاب مصرى (مدين) الراجل تمّ التعاقد معاه رسميًا من شركة تركيا بُمُقابل مالي نظير استخدام لحن حاجة مِستخبية، اللي خلالك شأن وشهرّك وكان سبب رزق ليك، عيب تِنكر الحقيقة وتضلل الجمهور اللي يجهل بالمعلومة".
وأضاف: "الراجل مسرقش لحن حاجة مستخبية ده من إبداعه.. وده تعدي على حقه الأدبي وممكن يقاضيك وياخد تعويض على إساءتك وجهلك بالمعلومة".
محمد حماقي
وتابع: "شتان الفرق الشاسع بينك وبين نجم كبير زي محمد حماقي فنيًا وأدبيًا وثقافيًا وذوقيًا من حيث المحتوى والمضمون.. وسيبك من الزمن اللي إحنا فيه وتدني الذوق العام وإعلانات اليوتيوب الممولة اللي خليتك تطلع تقول أغنية محمد حماقي جايبة 16 مليون مُشاهدة.. وكأنك مايكل جاكسون".
أغنية حاجة مستخبية
وأضاف تامر حسين: "هتعدي السنين وهتشوف اللى هيعيش حاجة مِستخبية ولا أغنيتك اللي لولا نجاح أغنية محمد حماقي وتوصيلها لأكبر قدر من الجمهور مكنتش أغنيتك اشتهرت على الجاهز.. الراجلِ ساهم في نجاحها فمن الذوق تشكره وتتكلم بأسلوب أرقى مِن كدة.. على ناس كان سبب في نجاح ورزق ليك وماحدش جرح فيك.. على ناس كان سبب في نجاح ورزق ليك وماحدش جرح فيك.. كلهم دعموكم عشان تاكلوا عيش وتنجحوا وأهاليكم وحبايبكم يفرحوا بيكم والراجل أقدم مِنك وأشهر مِنك يبقى تقدره.. وتتكلم بشكل مُنصف".
واختتم: "صناع الأغنية المُبدعين المُبتكرين الشاعر المبدع محمد عاطف والملحن المُبدع صاحب اللحن الأصلي اللي اتاخد في تركيا للنشر بُمقابل مالي والموزع الكبير أحمد إبراهيم.. دول ناس يستحقوا الشكر في العلن مش تشويه وتقليل، من شأن أغنيتهم اللي نجحت جدًا في سنة نزولها، وكانت أنجح أغاني السنة".
